生記粥品專家

营业中

休息中

喺上環附近住佐差唔多2年，最近睇到蔡瀾先生喺佢嘅YouTube channel介紹先知道呢間粥舖。既然被蔡生捧為香港No. 1嘅粥店，當然要黎一探究竟。為左回味兒時食鮮魚片粥嘅回憶，我揀左魚腩魚骨粥。粥未上之前侍應就會先準備好一小碟姜蔥醬油俾客人，等熱辣辣嘅生滾粥送到台面嘅時候，我立即雙眼發光，迫不及待大快朵兒。粥底煲得靓同綿密不在話下，而且相當鮮甜，魚肉也大大塊。雖然平時食魚我唔多沾薑蔥，但係呢度嘅姜蔥醬油都好好味，係食魚肉粥嘅必備。另外我點左一份煎魚餅，雖然賣相同味道一般，口感唔夠爽彈，有待改進。