大阪日本料理 (已結業)

店內地方大，2人都可以坐一張大長檯加上日本風味既佈置感覺傳統得嚟又大體，另外值得一讚服點務好貼心👍🏻🥢食物1️⃣極上刺身盛9點18切$668: 9款刺身，吞拿魚腩、油甘魚、三文魚、鰹魚好新鮮，而且係厚切令口感特別正😍另外幾喜歡立魚加埋明太子及香蔥一齊食，沾上酸汁幾夾！海膽附上紫菜可以包住食，入口溶化鮮美；旁邊既牡丹蝦爽口彈牙👍🏻2️⃣鐵板燒南非四頭鮑魚$238: 散發好香牛油黑松露醬，鮑魚嫩軟彈牙。3️⃣自家醬免治雞串$38: 外層煎香加埋醬汁味道唔錯，內裏雞肉嫩滑，性價比高！4️⃣蘆筍豬腩串$42: 爽脆蘆筍包住豬腩肉，啖啖都有肉汁。5️⃣燒芝士年糕$68: 就算擺耐咗都keep住外脆及煙煙韌韌口感，少少鹽味加上流心芝士🧀️令我食完又想再食😍6️⃣白瀧上善如水（新潟縣）300ml$268: 好純易入口，女仔飲好適合。