蛇王芬

营业中

休息中

今日嚟到中環蛇王芬，一間好傳統食蛇羹嘅地方，相信已經有好耐嘅歷史。之前食餐廳—天天海南雞飯亦都有同佢crossover，所以喺天天食到海南雞之餘亦食到蛇羹。同朋友叫咗兩個蛇羹餐。馳名鴦腸糯米飯+太史蛇羹 HKD 178 (我哋叫咗兩份) - 蛇羹本身已經配咗啲卜卜脆，一啲香草咁嘅嘢，所以我平時食蛇會落醋，但今次都覺得夠味唔使落，我覺得佢嘅蛇都幾足料，咁啱今日天氣凍，食完好暖身。糯米飯我略嫌佢比較淋，做唔到粒粒分明，生炒糯米飯新鮮香口嘅效果，所以有啲失望。性價比應該比起好多食蛇嘅地方低，屬於偏貴嘅價格，不過佢似係一間比較似酒家嘅地方，有好多唔同嘅小炒同埋煲仔飯，而且喺中環地區，同埋歷史悠久，我覺得都可以一試。