影片
更多
2016-06-02
912 浏览
好多朋友都有黎過上環呢間貌似古舊但其實十分前衛嘅餐廳，個個都對呢間餐廳讚不絕口。不單是環境，聽聞食物質素都十分不錯！難得放假，當然要黎享受一下休閒嘅時光啦😉從上環地鐵站行上黎oldish需要10至15分鐘，一條長長嘅斜路加上炎熱嘅天氣，oldish尤如綠洲一般的存在。環境十分寬闊，燈光柔和。室內有一張大長枱，基本上所有枱櫈都係木同鐵，懷舊得黎亦十分舒適。每張枱上面都擺放好食具、碟、調味料，十分方便。牆壁上有各種舊式照片。店內亦有播住輕快嘅音樂，環境確實十分寫意。🔻🔺Four Cheese Wagyu Beef Burger好大嘅份量，碟上有沙律、有薯條、有漢堡包，而且配料十足，香味令人食指大動呢！沙律菜尚算新鮮，配撘黑醋令人開胃。薯條係粗薯條，比較腍並不是脆身的。唔會太油膩，但味道上比較淡。若感覺薯條淡味，可自行加鹽及茄汁調味。主角就係漢堡包。久仰大名嘅漢堡包果然冇令我失望。最吸引人的，當然是中間那一塊炸過的香脆網格芝士。上面仲有半融嘅芝士，食落好重芝士味，食得多都唔會膩。而包係用提子包嘅，由於整個漢堡包以咸味為主，所以有提子乾中和下味道，十分不錯。牛肉相當juicy！一啲都唔靭唔乾且
從上環地鐵站行上黎oldish需要10至15分鐘，一條長長嘅斜路加上炎熱嘅天氣，oldish尤如綠洲一般的存在。
環境十分寬闊，燈光柔和。室內有一張大長枱，基本上所有枱櫈都係木同鐵，懷舊得黎亦十分舒適。每張枱上面都擺放好食具、碟、調味料，十分方便。
牆壁上有各種舊式照片。店內亦有播住輕快嘅音樂，環境確實十分寫意。🔻🔺
Four Cheese Wagyu Beef Burger
好大嘅份量，碟上有沙律、有薯條、有漢堡包，而且配料十足，香味令人食指大動呢！
沙律菜尚算新鮮，配撘黑醋令人開胃。
薯條係粗薯條，比較腍並不是脆身的。唔會太油膩，但味道上比較淡。若感覺薯條淡味，可自行加鹽及茄汁調味。
主角就係漢堡包。久仰大名嘅漢堡包果然冇令我失望。最吸引人的，當然是中間那一塊炸過的香脆網格芝士。上面仲有半融嘅芝士，食落好重芝士味，食得多都唔會膩。而包係用提子包嘅，由於整個漢堡包以咸味為主，所以有提子乾中和下味道，十分不錯。牛肉相當juicy！一啲都唔靭唔乾且肉味十足。另外亦有生菜蕃茄在內。
整個漢堡包食材配撘得宜，咸甜味道到位。份量相當大份，如果下午茶的話用朋友share黎食已經好夠。
Iced Latte食完野，當然要飲下野。炎熱天氣下，來一杯冰凍的咖啡實在是透心涼呢！呢一杯latte比較苦，個人中意甜啲嘅咖啡。
另外，可以漢堡包份量比較大，再飲多杯咖啡好似有少少濟嘅感覺，所以我並不太欣賞。
總結oldish給人一種懷舊、舒適嘅感覺。近門口位置嘅高櫈配上大窗口，可以一邊飲咖啡、聽下歌、欣賞下街景。由於oldish位於不太繁忙嘅位置，總令人產生極為悠閒嘅感覺。閒日下午四五點黎到，人唔多，可以坐好耐，休息下、傾下計、偷得浮生半日閒嘅感覺實在太好。
张贴
