金源小館 (已結業)

飽餐泗益，當然繼續行埋另一半赤柱兼搵個地方「過下冷河」啦，行完出到灣仔都成八點半。地頭龍帶我地去食「手撕雞」喎，心諗唔好食真係炳鑊金變成地頭蟲呀！哩一餐總算不過不失啦～山東雞：對我地黎講最美味就係果碗生蒜頭（仲額外要多碗添），食完成口蒜味，到第二朝刷極牙都仲「齒舌留香」夠哂殺菌；手撕雞半隻，唔係話什麼特別，稍欠雞味，可能四條友掛住食蒜啦～XO醬什菌炒翠肉瓜：清清ｏ既翠肉瓜／什菌用XO醬炒，明顯無咁「寡」，但對我哩ｏ的食慣「媽媽菜」ｏ既人黎講，真係寧願食平時ｏ既「生粉獻」瓜姑菜，唔多鍾意食哩ｏ的XO醬，但總算係一味「清」ｏ既菜。蝦子山根豆腐：都係一味「清」ｏ既菜（出奇地令我好想去試「車品品」ｏ既蝦子撈麵），蝦子真的好多，但唔知係咪之前蒜味過濃，蝦子味應該係點呢？！一大碟豆腐都食唔哂，生根入哂味，不俗。鎮江骨：糖醋骨，酸酸甜甜，我最喜歡哩一樣，好開胃，我用埋ｏ的汁撈飯添呀，肉質無之前講到咁差丫！南瓜海底椰：是日附送甜品（仲有樣唔記得添，唔係紅豆糕），地頭龍謂紅豆糕係哩豎寶物，以前係「附送甜品」，現因「做唔切」關係就無得送，但亦可以落柯打叫ｏ既！是晚就無緣吃得到喇。南瓜湯飲得多，做海底椰就第