影片
更多
2016-12-14
1272 浏览
餐廳氣氛都唔錯，幽暗得黎d燈飾又帶點浪漫，好岩情侶黎浪漫一下☺️首先就嗌左一打生蠔😋分別係美國泰勒太平洋石蠔，法國神聖之蠔，澳洲哥芬灣蠔同澳洲煙霧灣蠔。講到食蠔其實我都比較少食😂唔太識分邊隻好，店員就建議我地先由淡味食起，即係美國蠔同法國蠔，兩隻澳洲蠔都係偏重味嘅～我就揀左最淡同最濃黎試😋美國蠔個形比較圓同扁身一點，食落有淡淡嘅海水味，味道真係較淡但都易入口d, 食到蠔嘅鮮味～另一隻就試左澳洲哥芬灣，一食就分到明顯咸好多，不過肉質比較肥美！不過覺得可以唔加醬凈係加檸檬汁就更可以食到蠔嘅鮮味喇😛食完生蠔就上湯，我嗌左法式洋蔥湯，自從飲過一次之後每次食西餐見到都會啦黎飲，呢個湯真係好甜好好飲～塊包好似棉花咁吸曬d湯，仲有拉芝！！！次次飲完都勁回味😭仲有暖碗添呀，好貼心，唔會怕倒到落碗凍左👍🏻👍🏻個湯有配麵包同鬆餅，鬆餅好好食，鬆軟得黎又唔太甜，有好香嘅牛油味！砵酒汁煎鵝肝鵝肝真係令人又愛又恨嘅食物，呢度鵝肝唔算大但就有入口即溶嘅口感，個種酥軟甘香嘅味道足以令我回味好幾日。砵酒汁同鵝肝好夾，令鵝肝帶小小酒香味Seafood Jambalaya 新奧爾良海鮮飯有好幾種海鮮而且完美咁樣同飯mix埋
餐廳氣氛都唔錯，幽暗得黎d燈飾又帶點浪漫，好岩情侶黎浪漫一下☺️
首先就嗌左一打生蠔😋分別係美國泰勒太平洋石蠔，法國神聖之蠔，澳洲哥芬灣蠔同澳洲煙霧灣蠔。講到食蠔其實我都比較少食😂唔太識分邊隻好，店員就建議我地先由淡味食起，即係美國蠔同法國蠔，兩隻澳洲蠔都係偏重味嘅～我就揀左最淡同最濃黎試😋
美國蠔個形比較圓同扁身一點，食落有淡淡嘅海水味，味道真係較淡但都易入口d, 食到蠔嘅鮮味～
另一隻就試左澳洲哥芬灣，一食就分到明顯咸好多，不過肉質比較肥美！不過覺得可以唔加醬凈係加檸檬汁就更可以食到蠔嘅鮮味喇😛
食完生蠔就上湯，我嗌左法式洋蔥湯，自從飲過一次之後每次食西餐見到都會啦黎飲，呢個湯真係好甜好好飲～塊包好似棉花咁吸曬d湯，仲有拉芝！！！次次飲完都勁回味😭
仲有暖碗添呀，好貼心，唔會怕倒到落碗凍左👍🏻👍🏻
個湯有配麵包同鬆餅，鬆餅好好食，鬆軟得黎又唔太甜，有好香嘅牛油味！
砵酒汁煎鵝肝鵝肝真係令人又愛又恨嘅食物，呢度鵝肝唔算大但就有入口即溶嘅口感，個種酥軟甘香嘅味道足以令我回味好幾日。
砵酒汁同鵝肝好夾，令鵝肝帶小小酒香味
Seafood Jambalaya 新奧爾良海鮮飯有好幾種海鮮而且完美咁樣同飯mix埋一齊，每啖都食到海鮮同飯，口感極好，而且jambalaya香料非常惹味，一碗份量一人食都好滿足！
食完飯飽飽的到甜品時間，甜品當然又係第二個胃啦，試下呢度嘅心太軟先～
切開就即刻有溶岩咁嘅朱古力漿流出黎啦！熱辣辣要即刻食啦，朱古力味非常濃郁，帶點苦澀味又唔會太甜，配埋我最鐘意嘅雲呢拿味雪糕，簡直就係完滿嘅一餐😝张贴
