JIKKA

营业中

休息中

假日同屋企人食飯～ 黎到主打健康食品，少鹽少油少糖，無添加既餐廳～～我地叫左Hotdog Combo ～蟹霸狗+南瓜湯日！個麵包烤得好脆，咬落去插插聲。腸仔係芝士腸，麵包上面鋪滿好多蟹肉，醬嘅量適中，食完都唔會覺得好肥，仲跟埋少少沙律菜，菜都好新鮮。南瓜湯原汁原味，又好creamy，好正，飲完完全唔覺得口乾，岩曬健康人士。仲叫左燒雞半隻～ 燒雞真係冇得頂！燒得皮好脆，雞肉好滑嫩，連雞胸肉都唔鞋口，超級juicy，雞肉都好入味。真係食過返尋味，好味過某家專埋燒雞的餐廳。飲品係鮮榨蘋果汁～飲得出係原汁原味，飲完喉嚨好舒服，果汁有一層層唔同顏色，有少少果肉喺入邊，同埋睇到果汁都會好快氧化咗，咁先叫新鮮。