影片
更多
2019-06-04
34 浏览
成日經過覺得個門面好靚，一直都好想試，今日終於都有機會去試下個晚餐。除左門面靚之外，一入到去就覺得原來店入面都好精緻，好似入左花花世界咁。周圍都係粉紅色花花🌸🌸🌸啲位又唔會好似普通食餃子既地方咁好逼gip,每枱都坐得好鬆動，而且每枱都有自己既配料，好貼心架。泥到就梗係食佢地最出名既五福水餃同雨花石水餃。而叫呢兩種餃子係會跟返碗好滋潤既老火湯-紅棗雪耳燉雞湯。因為肚餓既關係，我地都叫埋豬耳同涼拌海蜇同泡菜餃同紫菜餃。首先上既係兩個冷盤，兩道菜都好好味。海蜇同豬耳都好彈牙！好爽！一啲都唔梅，同埋兩道菜既麻辣汁都好入味，又唔會話超辣而遮左本身調味既涼拌汁。食完冷盤之後就上主角～餃子呀！一上菜成張枱都色彩繽紛，令人好有食慾❤️原來佢啲餃子色彩繽紛，全部都係天然色素-火龍果汁，南瓜汁，同菠菜汁，全天然，超健康。食落雨花石餃因爲有馬蹄做餡，好有口感，好爽口。而五福餃就每隻都好驚喜，最隻都唔同味，好adventurous！最後我地都跟餐叫左個紫薯露同薏米檸檬水，本身我真係好怕好多餐廳成日都調到啲嘢飲好甜，但係好彩佢兩杯都好好味，唔會好甜，就好似佢咁講，好養生。呢間餃子真係太好味啦，一定會再泥，希望佢可
除左門面靚之外，一入到去就覺得原來店入面都好精緻，好似入左花花世界咁。周圍都係粉紅色花花🌸🌸🌸啲位又唔會好似普通食餃子既地方咁好逼gip,每枱都坐得好鬆動，而且每枱都有自己既配料，好貼心架。
泥到就梗係食佢地最出名既五福水餃同雨花石水餃。而叫呢兩種餃子係會跟返碗好滋潤既老火湯-紅棗雪耳燉雞湯。因為肚餓既關係，我地都叫埋豬耳同涼拌海蜇同泡菜餃同紫菜餃。
首先上既係兩個冷盤，兩道菜都好好味。海蜇同豬耳都好彈牙！好爽！一啲都唔梅，同埋兩道菜既麻辣汁都好入味，又唔會話超辣而遮左本身調味既涼拌汁。
食完冷盤之後就上主角～餃子呀！一上菜成張枱都色彩繽紛，令人好有食慾❤️原來佢啲餃子色彩繽紛，全部都係天然色素-火龍果汁，南瓜汁，同菠菜汁，全天然，超健康。食落雨花石餃因爲有馬蹄做餡，好有口感，好爽口。而五福餃就每隻都好驚喜，最隻都唔同味，好adventurous！
最後我地都跟餐叫左個紫薯露同薏米檸檬水，本身我真係好怕好多餐廳成日都調到啲嘢飲好甜，但係好彩佢兩杯都好好味，唔會好甜，就好似佢咁講，好養生。
呢間餃子真係太好味啦，一定會再泥，希望佢可以快啲開分店啦😢
张贴
