老鍋台式火鍋 (已結業)

台式火鍋連鎖店老鍋最近係銅鑼灣開左旗艦店，呢間台式火鍋主打唔同既養生湯底， 今日終於同朋友試下喇。一坐底有幾款湯底好吸引，例如美人鍋，養生鍋，酸菜白肉鍋，款款睇落都好吸引，都唔燥熱，幾經辛苦終於揀左美人鍋。美人鍋湯甜料足，有桃膠、杞子、原隻烏雞，未落野食已經飲左三碗湯。 一行兩人例牌叫左牛肉、鮮炸響鈴、凍豆腐和等等既火鍋配料，值得一提既係所有配料都好新鮮，認真製作，例如響鈴即叫即炸，上到枱仲係熱辣辣，牛肉好新鮮，配合埋個湯底，齒頰留香。另外仲叫咗杞子杭菊露、黑糖烏梅汁。杭菊露帶點龍眼既香甜，以菊花既清香作點綴，感覺真係很清新呢。值得一題，豉油真係好好食，聽店員講係每日新鮮調製。而鍾意台灣既朋友，可以喺餐廳入面影天燈，大家快啲去試下啦！