Poke Go (漆咸道南)

营业中

休息中

成日出街食有時都會想食健康啲，冇咁油膩同濃味。今次係尖沙咀行到攰，就決定試下呢間poke go主打夏威夷魚生飯，行健康路線🍀餐廳唔係話好大，但枱同枱之間都唔會話好逼，坐得幾舒服。裝修就行年青化，牆身有可愛嘅插畫，枱上面亦都放左一啲魚嘅擺設，幾得意同有心思。今次同朋友就一人叫左一碗。我哋兩個都係揀左自選配搭。先講朋友個碗，佢揀左三文魚做主打，三文魚好肥美。另外配料就加左蕃茄仔、海帶、青瓜、蟹肉同蘑菇。全部都好新鮮同好味，壽司飯有少少醋嘅調味，再加埋揀咗Wasabi Yogurt嘅dressing ，好惹味同好食！而我個碗就係用八爪魚做主打，八爪魚肉好彈牙，一啲都唔會好韌，食得出食材新鮮。而我揀嘅配料就有麻醬豆腐、粟米同洋蔥，食落好fresh。而除咗飯之外我都加埋菜底，令到食落去嘅感覺更加清新同健康。而我揀嘅dressing就係有柚子油醋，好香柚子味帶少少酸為成碗飯昇華左，配搭起嚟更加清新開胃。總結嚟講，我覺得呢餐真係食得好味得嚟又唔會有罪惡感，成碗飯提供到足夠嘅蛋白質同纖維，係好滿足嘅一餐。