Pickabowl (D2 Place ONE)

营业中

休息中

約咗朋友仔放工喺附近d2度食飯, 朋友話食輕食啲又唔想食熱氣嘢, 我就推介咗佢嚟呢一間pickabowl. 啱曬佢啲又話要減肥嘅人士. 我同佢不約而同都揀咗個經典魚生雙拼, 佢食飯我就烏冬, 再加咗25蚊升級套餐有多個湯同埋溫泉蛋仲有個甜品慕絲(最後我食埋佢嗰個). 其實本身佢嘅份量唔多三文魚同埋吞拿魚切碎之後加咗啲日式醬油感覺清新, 仲有好多蔬菜配料(主要係啲豆). 其實都好健康, 我個人推介就食烏冬好過食飯, 一來夠曬彈口, 二來卡路里比較低. 至於個昆布湯味道適中但唔太突出, 溫泉蛋就好食, 裏面啲蛋黃啱啱好唔會太稀. 至於個慕絲就係日本來貨, 有唔同味道random比的, 今次食咗柑桔同埋黑糖兩隻味, 雖然好食但係比較甜. 飲跟餐要加錢, 都係包裝飲品來的. 總體嚟講主食就非常出色, 其他餐前小食同埋甜品一般.