CheckCheckCin 米水茶飲 (已結業)

之前係上環經過已經留意到呢間鋪頭，裝修同佢賣既野好唔同方向。branding走好cute好gimmick既路線，但竟然係賣健康既飲品。上次經過上環鋪頭既時候係星期日，冇開門，無緣一試，幾個月後係銅鑼灣開左分店，仲要係公司附近，冇理由唔試 再加上我同同事成日都係下午茶時間會買台式飲品，周圍既台式飲品都俾我地飲到悶晒了founder係註冊中醫師，有出書教人煲湯，聽落成件事好似好健康。一入到鋪頭就見到有一盒盒既茶療，一盒入面有幾個茶包，可以買番去沖黎飲。米水係主打，其他既都好適合都市人飲用。而且有好多茶療既名都好有趣 (好似"肥嘟哪茶療"岩D肥肥地既人飲)即場賣既飲品都有好多種，有凍都有熱。見到佢既主打係米水，好想試下，但又好驚冇咩味好淡，所以就揀左熱既柚薑米水!飲左一啖就覺得好薑，再飲多啖我完全感受到我成個人行氣活血，令到平時手腳冰冷既我好似即刻健康左咁 我同事就試左熱既火龍果珍珠玫瑰茶，但其實一D都唔熱，應該係室溫!店員話因為有火龍果肉所以唔可以沖得太熱。飲完成杯柚薑米水，成個人好似發熱咁，平時飲慣台式凍飲，有時飲下呢D健康茶療都唔錯。