野玩田店 (已搬遷) 新店位置

今日黎到尖沙咀搵食，店舖佈置幾有心思，放置不少綠色植物。燒焗美國豬鞍架扒，肉質非常厚身，切開好多肉汁出晒嚟啊，食落好Juice👍🏻旁邊嘅菠蘿值得加分，燒菠蘿厚切之餘，酸酸甜甜之餘又勁多汁，感覺好開胃呀。蟹肉龍蝦汁闊意大利麵，蟹肉非常多意大利麵條口感煙煙銀銀，再配上龍蝦汁，好滋味呀！鮮紅火龍果乳酪係近期推出嘅新產品，火龍果清甜再配上乳酪口感非常得意，健康又好食😋蘋果酥配雲呢拿雪糕，蘋果酥即叫即做，上枱嗰時熱辣辣又香脆，酥皮底又薄又香再配上蘋果片嘅清香，少少甜又唔會太甜膩，甜度調校得恰到好處！