宏 (已搬遷) 新店位置

朋友話想食日本野，但係又唔想食生野，就帶咗佢來呢間好多人讚好嘅餐廳。由於我哋好早嚟到，大約係12點左右，所以餐廳人數亦不多，見到餐牌有啲新嘢，叫做烤雞水耕菜沙律$85用嘅菜都係水耕製作，衛生安全信心保證。食落去味道清新，完全沒有泥沙，不過唔係生菜所以唔會太爽口。烤雞有啲燒汁，口感頗滑。裏面亦有非常爽口的紅菜頭，增加田園風味。鱈魚飯一來到好香煎魚味道，燒汁甜味好濃郁，同鱈魚本身甜味好夾，而且經過煎既過程，令香上加香，而且魚既表面就算有燒汁亦保持到脆身口感，非常好！黑芝麻蛋捲/抹茶蛋捲黑芝麻蛋捲好香芝麻味，而且味道好清晰，甜度適中，而蛋糕質感柔軟，中間帶有嫩滑cream，細細件作為飯後甜品剛剛好！比起芝麻，抹茶味就較遜色一點，雖然蛋糕同cream質感同樣柔軟細滑，但關鍵抹茶味唔係太出，較為可惜。日本草莓沙冰＄89見佢咁貴，原來真係好特別，出面嘅沙冰可能係$40至＄50不過冇咁清新，而且呢個真係用咗日本草莓整成特別清甜。甜味又唔係化學，好適合我嘅口味。餐茶亦用咗唔錯嘅外國牌子，不過唔好浸太耐，如果唔係就會太濃郁架啦。