Poke Go (大南街)

营业中

休息中

今日放假陪個friend去深水埗黃金商場睇下啲新機，順道食個lunch。知到深水埗有幾多特色餐廳，於是上Openrice check 下，見有間餐廳主打夏威夷bowl飯，未試過喎🤔就去試下啦😀。店舖前門裝修得簡約別緻，牆上有一個細圓嘅霓虹光管招牌，整體視覺好舒服，感覺好chill，室內佈置同樣舒適休閒。睇咗menu，食物種類唔算多，但係可以有好多選擇，因為你可以build your own bowl。掃過QR code，我哋點咗個已配搭好嘅Signature bowl，可選壽司飯或珍珠糙飯或各一半。午市優惠凡惠顧任何bowl飯，可免費配一杯飲品。ONO $108.-Bowl 飯擺設得好靚，打卡一流😍。食材有三文魚、溫室青瓜及雞蛋絲，全部都好新鮮。三文魚切成小方塊，份量非常多，口感軟腍冇腥味。壽司飯及珍珠糙飯，口感軟熟各具特色，再同seasoning撈埋一齊食，十分醒胃之餘又味道好夾👍。食完一碗無油又有豐富纖維既bowl 飯，飽肚又健康。餐飲椰青水，味道天然又清甜。火山炸雞 $68.-火山炸雞一共有9粒，一口一粒。雞粒表面乾身微脆，混有泰式辣椒醬，肉質嫩滑多汁，十分惹味。