影片
更多
2021-01-15
476 浏览
呢間係K11 Musea新商場既過江龍係網上既評價好壞參半，唔少評價係指初開張既時候服務唔好又等得耐，但係作為牛油果迷嘅女小編就好想試下，今次等佢開張咗一段時間，服務水準相對穩定既時候嚟試下，等咗5分鐘就可以入座，服務都正正常常，整體用餐體驗都無網上講咁伏既。Avocado Cobb Salad網上比較熱門嘅菜式，Cobb Salad係一種美式沙律，呢一款就有少許變奏，底層鋪滿切碎嘅椰菜，面頭鋪上粟米、蝦、煙肉粒、車厘茄、soft-boiled egg、Queso Fresco芝士同埋砌成花瓣形狀嘅牛油果，賣相五顏六色好繽紛，將所有材料撈勻一齊食，層次感豐富。Queso Fresco係一種墨西哥芝士，呈顆粒狀，奶味濃郁，用嚟配沙律好夾。整體口感爽脆清新，份量都唔少。Orange Salmon呢一款三文魚柳，配菜有青瓜同牛油果，青瓜份量頗多，不過牛油果就比較少，而且同個菜式唔係好夾，三文魚面頭醃料味道似燒汁，帶甜，另外仲有一小罌韓式醋醬可以加落去，醬汁較辣，三文魚口感較實，如果嫩滑d就更好。Christmas Special (Avocado & Berry Compote Mess)呢
Avocado Cobb Salad
網上比較熱門嘅菜式，Cobb Salad係一種美式沙律，呢一款就有少許變奏，底層鋪滿切碎嘅椰菜，面頭鋪上粟米、蝦、煙肉粒、車厘茄、soft-boiled egg、Queso Fresco芝士同埋砌成花瓣形狀嘅牛油果，賣相五顏六色好繽紛，將所有材料撈勻一齊食，層次感豐富。Queso Fresco係一種墨西哥芝士，呈顆粒狀，奶味濃郁，用嚟配沙律好夾。整體口感爽脆清新，份量都唔少。
Orange Salmon
呢一款三文魚柳，配菜有青瓜同牛油果，青瓜份量頗多，不過牛油果就比較少，而且同個菜式唔係好夾，三文魚面頭醃料味道似燒汁，帶甜，另外仲有一小罌韓式醋醬可以加落去，醬汁較辣，三文魚口感較實，如果嫩滑d就更好。
Christmas Special (Avocado & Berry Compote Mess)
呢度嘅大部份菜式，由前菜、小食、主菜甚至甜品都用上牛油果入饌，呢一款聖誕限定嘅甜品都唔例外，用上大量berries打成果茸，再混入牛油果粒同埋蛋白脆餅。入口似係杰身版嘅smoothie，酸咪咪好refreshing，莓味重，配埋較甜嘅蛋白脆餅食可以中和酸度。甜品整體以莓味為主，牛油果其實加唔加都唔係好覺，似乎有少許夾硬，不過食完非常飽肚，感覺成餐都好健康，如果想健康得嚟又唔想犧牲味道，呢度都係唔錯嘅選擇。
人均消費：$220
推介指數（10分為滿分）：7.5分
张贴
