黑蒜 (建德工業大廈) (已結業)

今日中午食飯見到呢間餐廳有住家飯套餐外賣，好似好吸引，就一於試下佢。佢每日都有5個套餐，仲有一個素菜餐，可以適合唔同人士口味。我同朋友就揀咗黑蒜清湯牛肋條同越式濃茄燴雞肶菇烤麩(素食)。另外個餐仲有住家湯或者其它飲品可以揀，我哋見個天咁凍，都係一人一碗住家湯最好。返到去打開見到個set係有配雜穀飯，有機蔬菜同兩粒大大粒咖喱魚蛋。個飯好健康，啲菜雖然係菜心，但係都唔係好老，而果兩粒魚蛋就好好食，好爽口。我個牛肋條好軟熟，仲有好多片，而我朋友個烤麩就係好入味，好多粒，送飯一流。之後都會再試下佢唔同set!