影片
以上资料只供参考，请与餐厅确认详情
招牌菜
一日几千单确诊，咪话真系唔惊🥲依家啲菜又咁贵，成日食冰鲜嘢都唔掂，近排都成日黎呢间黑蒜买外卖返屋企，主打全天然冇味精，同埋最钟意佢款式好多，就算食咗几日都未有重复👍🏻比较推介嘅系佢哋嘅黑蒜清汤牛肋条，系呢间店嘅招牌菜，眼见10个9个都会叫，四条牛肋条煮得淋，容易入口老人家都冇问题，唔会靭，另外我都加咗钱要两粒超大鱼蛋，有时候都贪食，想食啲junk food ，估唔到呢度都可以食到，鱼蛋非常弹牙，咖喱味唔算重，唔使去到长洲都食到。另外今日我哋拣咗另外一款系龙脷柳，雪藏味唔重，份量都算多，有三大块，另外呢个价钱包埋一碗汤，平时屋企人少少唔会煲汤，有啲汤水饮吓滋补都几好，呢个应该系佢哋嘅招牌黑蒜汤，好香蒜味，同佢既店名一样👍🏻👍🏻一及棒🥰
继续阅读
疫情严重都唔敢出街食嘢，依家直接简单啲买外卖食，今日咁岩喺黄竹坑staycation，最尾拣咗呢间黑蒜，专做外卖嘅，标榜咗每日自家制，睇落啲嘢食都好健康好吸引。今日嘅餐牌我哋拣咗黑蒜清汤牛肋条，估唔到份量都超大，俾咗成四条牛肋条，另外煮得几淋，一啲都唔会靭，另外佢哋唔系普通白饭，而系糙米饭，健康好多同埋都会附送菜心，真系健康之选，都几适合打工仔去。另外我哋拣咗咖喱猪扒饭，同埋都加咗粒特大鱼蛋，鱼蛋非常之弹牙，唔使入到去长洲都食到😜另外咖喱都好惹味，捞饭一流。另外套餐仲包左嘢饮或者汤，平时少啲饮住家汤今次就拣咗要碗汤，个汤都好足料，蕃茄红萝卜汤，非常鲜甜应该都冇落味精。
继续阅读
住家饭套餐wholesome rice bowl combo ，方便又好味，无味精，味道好好而且用organic 嘅菜，可以选择杂壳饭或有机菜底。包装得好好唔会酱汁漏。我同朋友每人叫咗一个bowl comb我叫咗青咖喱🍛杂菜，有机菜，加大大粒咖喱鱼蛋。鱼蛋好爽好弹口咖喱嘅辣度刚刚好，青咖喱椰香味十足。呀嬷卤肉燥饭，卤肉满满肉汁深浓，卤水蛋好入味，配上杂壳饭同菜真系大满足另外买咗甜豆浆和紫荆奶茶，豆浆头香味浓，奶茶香滑地道，赞👍🏻
继续阅读
自从疫情至今，越来越追求对外卖嘅质数比我遇到黄竹坑工厦里面呢间餐厅，以后随时都有好𩠌食。呢两粒难以抗拒嘅咖哩鱼蛋，仲大粒过乒乓波，弹牙爽口。「黑蒜清汤牛肋条」不能错过 主打黑蒜嘅招牌菜，牛肋条有口感之余又唔靭，黑蒜清汤烹调好惹味。配上杂谷饭，口感更丰富．更健康。「糖醋猪颈肉」一向钟情糖醋嘅味道．酸酸甜甜好醒胃，猪颈肉爽口啖啖肉，用糖醋烹调味道好夹。每盒饭都加入有机蔬菜同鲜茄，令营养吸收更均衡。住家汤完全无味精感，唔油腻又唔会太咸豆酱有冻 / 热 / 甜 / 淡 选择以后Lunch唔洗带饭，都唔怕出街食得唔健康喇
继续阅读
近日返工想食得健康啲🌱呢间主打健康有机便当 🍱变咗常客呢间外卖食健康外卖店 位于工厂区 冇堂食但系就啱晒附近返工嘅人拎返Office食有啲似家庭料理嘅感觉🥡每个星期嘅菜式都会唔同，可以预先问定拎Menu！每个饭包括主菜、蔬菜、杂谷饭如果想加配饮品或者冇味精汤就可以加钱饮品有豆浆、无糖豆浆、奶茶等选择我拣咗 越式浓茄烩鸡髀菇烤麸一向比较钟意食素食🌱鸡髀菇口感爽身 蕃茄味浓郁 感觉非常开胃烤麸口感软绵 充满蕃茄汁同香料味道有几夹㖞同事拣咗三杯鸡一向以为三杯鸡比较肥腻但呢间主打健康 鸡肉唔会太多脂肪亦冇加过多油去炒！感觉香口之余冇乜罪恶感🤤好味期待下星期嘅餐牌啊！
继续阅读