Soland (已結業)

如果你長期掛「有機」二字在口邊，覺得冠以「有機」兩個字的食物如加了神聖的光環一般的，呢度，真係最適合不過。又同阿齋鬼妹食飯，就係佢上次帶我去Life的，今次佢又話有好地方，神神秘秘的來了這裡。呢度門牌唔起眼，在商業大廈的三樓，全程要行樓梯，真係未入門口已經是健康的運動一番。地區唔算大，裝修及傢具都簡單，燈也暗暗的。選了靠窗的位置坐下。午餐內容沒有選擇，都是五色加糙米飯或意粉，可選的只是香茅汁定鮮茄汁，都選了後者，同埋要唔要飲品及湯。五色糙米飯真係幾多色﹝如圖示﹞，除了鮮茄汁糙米飯，還有冬瓜、刀豆角、車厘茄、菠菜等。不太熱，吃過味道當然清淡一點，鮮茄汁就顯得幾鮮甜，因為是比較味道突出的。份量都夠飽肚，不過當然不要問味道，淨係諗住「健康無價」，個人的包容性會高好多~阿齋鬼妹說的。黑豆漿有幾多豆渣在內，應該是有益的，口感就變成一般。只得一位女店員，但都非常的熱心並詳細的解釋，亦在餐後問客人的意見，服務態度非常好。埋單70蚊，一點也不貴。如果是素食的朋友，或在不斷的追求「有機」的朋友，這裡是可以一試。當然我如果再來的話，理由應該還是見我這個齋鬼妹朋友。題外話：我覺得，人生幾十年，無謂去迷信食咩