影片
更多
2013-03-18
17 浏览
好榮幸再次得到 OpenRice 既邀請, 今次黎到『家常便飯』奧海城分店試食~一睇店名其實大約都知係住家小菜 feel ...的確如此!!小店有D似茶餐廳既格局, 不過亦不失心思, 就好似天花板上面吊住既木筷子裝飾, 幾得意...活動係 3 點開始, 我同男友仔大約 2 點 9 個字到達, 亦已經有部份食家在埸!我地被安排到一個 4 人既卡位, 同另外 2 位食家 share~一開始, OpenRice 既同事細心講解, 關於餐廳既野, 關於食物既野.....等等!!枱面有一壺熱茶, 清清綠綠的, 未開始食野就梗係先品一下茗啦, 好飲喎!!!原來呢壺茶叫：青喬麥茶茶色清淡, 但係入口就茶味芬芳, 充滿香濃既麥味, 但係無一絲既苦澀....好清新既感覺, 令人愈飲愈想飲!!!!!! 而小店既侍應每一為位好醒目, 服務好, 禮貌好, 一見你無茶就即刻幫你加, 讚!!跟住, 我地一邊聽介紹, 一邊嘆茶, 唔使幾耐, 就有食物到枱啦.....先上枱既菜色既一個 high tea 層架~~~~頂層: 香煎蓮藕餅 配 芥蜜沙律醬- 蓮藕新鮮爽脆, 蓮藕味都好出, 上面既豬肉亦彈牙, 馬蹄亦有咬口
一睇店名其實大約都知係住家小菜 feel ...的確如此!!小店有D似茶餐廳既格局, 不過亦不失心思, 就好似天花板上面吊住既木筷子裝飾, 幾得意...
活動係 3 點開始, 我同男友仔大約 2 點 9 個字到達, 亦已經有部份食家在埸!
我地被安排到一個 4 人既卡位, 同另外 2 位食家 share~
一開始, OpenRice 既同事細心講解, 關於餐廳既野, 關於食物既野.....等等!!
枱面有一壺熱茶, 清清綠綠的, 未開始食野就梗係先品一下茗啦, 好飲喎!!!
原來呢壺茶叫：青喬麥茶
茶色清淡, 但係入口就茶味芬芳, 充滿香濃既麥味, 但係無一絲既苦澀....好清新既感覺, 令人愈飲愈想飲!!!!!! 而小店既侍應每一為位好醒目, 服務好, 禮貌好, 一見你無茶就即刻幫你加, 讚!!
跟住, 我地一邊聽介紹, 一邊嘆茶, 唔使幾耐, 就有食物到枱啦.....
先上枱既菜色既一個 high tea 層架~~~~
頂層: 香煎蓮藕餅 配 芥蜜沙律醬- 蓮藕新鮮爽脆, 蓮藕味都好出, 上面既豬肉亦彈牙, 馬蹄亦有咬口, 不過最出色既係....芥蜜沙律醬!!! 真係好好味, 有芥味之餘又唔會過位, 唔搶喉, 正!!!
中層: 秘製士多啤梨醬炸魚塊- 魚塊滑滑的, 炸粉薄身又香脆, 可惜既係.....秘製士多啤梨醬味道未免過淡左D, 唔夠出, 提唔起個味嚕!!
底層: 蓮藕咸蛋南瓜球 配 甜酸醬- 蓮藕咸蛋全部切成細細粒狀, 再用南瓜'溶'包住成球狀, 炸成金黃色, 蓮藕亦有咬口, 有創意, !! 可惜...咸蛋同南瓜味道太弱, 只有好輕微既一點點味道!!
響我地一邊品嚐既同時, OpenRice 既員工都 keep 住不停講, 不停介紹 (辛苦晒~)再之後上枱既, 就係大大碟小菜....
冰淋醬黑髤鵝- 呢個乃係店中名牌之一, 不過反而有少少失望..... 雖然有香濃鵝味, 不過皮唔夠脆、肉質過'鞋'、鵝汁過咸, 而且..... 冰淋醬亦唔突出!!
籠仔芹芋香荷炆黃油雞- 原個荷葉上枱, 雞香肉質嫩滑, 芋頭梗吸收晒所有雞香同汁料, 爽口好味!! 可惜, 荷葉香味欠奉!!
蝦禾米蛋卷伴泰式辣醬- 飯粒干爽, 粒粒分明, 香味不錯!! 可惜既係, 蛋卷明顯過晒火, '鞋''鞋'的, 太老了!!!
蟹籽桂花瑤柱炒韓式粉絲- 味道清淡, 每一啖都充滿蛋碎同蟹籽!! 可惜, 粉絲未免太碎啦, 碎濕濕的, 感覺就係唔太好!!
蠔皇冬菇鮑魚海蔘黑松露上海拉麵- 呢個富豪菜, 冬菇鮑魚海蔘都炆得入味軟淋, 黑松露香味濃郁, 上海拉麵彈牙, 配上黑松露, 又香又好味!!
整體黎講, 呢間小店既餸菜 (以 10 分為滿分)....
創意度係 8 分 (每個菜, 除左個名都係好特別之外, 亦唔係咁易響出面既食店搵到);
食物味道係 7 分 (因為差唔多每一度菜都係好壞各半, 仲有好大既改善空間);
服務係 9 分(夠醒目又好禮貌);
餸菜上齊之後, 我地一邊食, 一邊就玩大抽獎, 哈哈~
玩完大抽獎之後, 又係齊齊影合照既時間嚕!!!
呢日又過左一個好開心, 好滿足, 好包包既一個中午!!!
再次多謝邀請 =)
题外话/补充资料：
食完唔會感覺好口渴, 相信係少鹽少油健康之選!!
(以上食记乃用户个人意见 , 并不代表OpenRice之观点。)
张贴
