影片
招牌菜
相关文章
湾仔果间就试过,大角咀这间就第一次.叫左:佛手瓜煲猪骨(例汤),蒜茸肉崧蒸茄子,香茅鸡中翼,福建炒饭佛手瓜煲猪骨:清甜润喉几够味.蒜茸肉崧蒸茄子:又健康又清淡,好重蒜香,茄子又淋又入口,几好食.香茅鸡中翼:好细只,几硬又冇味.福建炒饭:份量唔小,同外面食到嘅做法完全唔同,用料清新几特别,火腿咸香所以唔使落盐炒饭,平时唔钟意食杂菜粒,今次觉得好爽口又好味.整体:好有家庭feel,食品多系小油小盐好健康,可惜待应多数唔想做野,点𩠌或加茶举手成十几分钟都冇人理,有时睇到都当睇唔到.
继续阅读
首次试这里的晚饭，点了套餐，包括例汤、红米饭各两碗，通菜、炸鸡和黄金虾，两个人食，食唔晒打包回家下一餐继续食。例汤方面，正常住家汤味，当然啦，跟这里嘅招牌汤比较，是清少少，冇咁浓郁香甜，但收货啦，岂码我饮完唔觉特别口渴，相信冇乜味精嘅。炸鸡和黄金虾都算是above average , 虾新鲜爽口，炸出来够干身，蛋黄味香浓；炸鸡都一样，够味，皮脆口，食埋酿系入面嘅饭，系有d 肥腻，所以不能食太多，最终要打包了！当然啦，价钱话平又唔算，两人大约$300，但质素、服务比茶餐厅好，又冇酒楼咁贵，都算系咁啦！可以再来！
继续阅读
因为想食的很多人排队，转去不用等位的家常便饭。$248二人餐还可勉强接受的价钱，换来是不能接受的质素。烧味双拼，烧腩仔拼烧鹅，加埋得10小旧；镬仔泰式海鲜窝，有3只虾，两只青口，一堆鲮鱼肉同大粮量白萝卜，重要其中一只虾"梅"到真系食唔落肚。米芝莲？咪再嚟就真呀！
继续阅读
这间餐厅的蒸水蛋， 应该叫蒸薄皮老蛋！！看看相片就知道了……未试过系出面餐厅食到d咁嘅蒸水蛋！薄如腐皮！家人怕投诉， 算自己蚀……收五十元包白饭同汤， 但真系好过份！个蛋又老又薄！其他𩠌好食都无用啦！
继续阅读
今日朋友生日, 知道奥运站新开左, 就决定黎试下, 环境漂亮卫生, 餐纸印刷好精美~订位时已经留左最热的杏汁白菜蝴蝶腩猪肺汤和禾米炸子鸡~猪肺汤真的十分浓, 好好味, 材料充足火喉足够~劲正招牌炸子鸡, 估唔到冰鲜鸡(唔会有活鸡啦) 都可以煮得滑嘟嘟又香脆, 重点趁热食, 内里炒饭, 够干身唔油, 我有D奇怪, 系炒好放上去吧, 无理由系酿入去, 禁干身....不过真系好食, 赞啤酒鸭...全名忘了, 个菜无特别, 食唔到什么啤酒煮感觉, 一般鸭煲味道, 反而喜欢其配菜西兰花, 笑晒~火焰冰淋酱骨, 十分惹味, 感觉比平时其他地方食生炒骨,京都骨, 更好味, 酸甜适中, 加上锡纸点火更加特别, 热辣辣增加香气, 配饭一流, 必试菜式呢前菜青瓜, 味道有点麻辣香味, 仲点只系香味, 食落一D唔辣, 很适合当选打头阵吃, 再点左沙姜鸡脚, 当然无失望好味!罗白牛腩亦很好味, 用了白胡椒汤底, 牛腩够淋, 罗白粉丝吸收左精华, 空口都食得晒连汁都饮埋..鱼香茄子煲比较经济菜式, 水准无特别, 配饭就唔错~整体觉得物有所值, 信用卡有9折优惠, 装修环境又漂亮, 服务员态度良好, 我们自带蛋糕亦无收切饼费, 仲帮我们准备碟和义, 多人食聚会都很适合, 感觉比湾仔店好味添
继续阅读