Yagura日本餐廳 (已結業)

是晚，又出動了，主角是毛蟹！廢話少講，單刀直入，介紹食物，來得更為實際。每人先來客沙律，作熱身。毛蟹肉沙律，味帶咸鮮，連同口感尚佳的三文魚籽，以及鮮味十足的北海道海膽，每口盡是美味，我也忘記了要留肚吃往後的食品，將之清碟。來日本餐廳吃東西，怎樣也離不開刺身這環節。這份刺身三點，分別是腊魚、三文魚，以及帶子。論個人最喜愛的，一定是帶子，唯鮮無敵。有刺身，就必會有壽司。是晚同樣吃了三款，有香脆的蟹棒天婦羅壽司，又有芝士軟殼蟹，同埋超級邪惡的鵪鶉蛋黃蟹羔軍艦。大佬！咁邪惡，我這正義之士，一定會將佢消滅的。服務生再奉上的，是天婦羅，內容是毛蟹蟹棒，同埋野菜。我當時是攻擊一絲絲肉的蟹棒天婦羅了。看見侍者端上鍋，便知道是晚的主角終於上場了。先講講個鍋底，有好多菜，又有豆腐，感覺也比較健康。至於毛蟹，其實都唔使點介紹，就是鮮甜。而吃至尾段，筆者雖然愛吃，但食力有限，要靠甜魔媽媽了。當然不只是吃菜吃豆腐和蟹，配料方面，還有嫩滑的牛肉，與鮮甜的毛蟹，交換溫柔。是晚，沒喝咖啡，以豆腐雪糕作結，同樣來得滿足。