金滿庭京川滬菜館 (德福廣場2期) (已結業)

前菜- 青瓜酸酸辣辣又開胃，好味的，不過唔知收幾銀。醉雞 ，鍾意佢夠醉，花雕好香好濃，用來飲真的一流架。不過件雞的肉質就一般般，亦唔算入味。紫薯浸莧菜，新鮮又大碟，紫薯幾甜的。可惜湯底咸左D，師傅重手了。一口小籠包 五隻皮算薄，饀料亦幾好味，有水準啦。生煎包 三隻都幾香，唔油膩，食得過。桂花丸子 一碗麻麻地，可以 skip . 裝修同服務都 ok 啦，不過不失。埋單四百幾，其實只係叫左幾款小食啫⋯⋯前菜茶水 mark 得高，感覺偏貴。