影片
奖项殊荣
最优秀开饭京川沪菜馆 (2013-14)
特色
适合大伙人
营业时间
今日营业
11:45 - 14:30
17:30 - 22:00
星期一至四
11:45 - 14:30
17:30 - 22:00
星期五
11:45 - 14:30
17:30 - 23:00
星期六至日
11:45 - 16:00
17:30 - 23:00
公众假期
11:45 - 16:00
17:30 - 23:00
以上资料只供参考，请与餐厅确认详情
相关文章
我哋有一个「细胞小组」老友，相识超过廿年，好一段日子无出嚟搞过饭局，所以就趁啲过时过节日子一行16人食番餐。因为依家啲餐厅都比较少一啲大圆枱，难得揾到九龙湾呢间「金满庭」，有张16人大枱，啱啱好，一枱坐晒咁多人，方便大家倾偈，比起要房又平好多。都曾经帮衬过「金满庭」其他分店，但都已经喺好耐之前嘅事，而呢间九龙湾分店就第一次到访，感觉上跟钻石山分店差唔多，但就比佢奥海城分店细。但我哋好好彩，被安排餐厅尾嘅一张大枱，有少少自成一角，同埋少咗一个人，最后得15个人，所以坐落更加松动。由于今次无乜准备，又唔想阻大家夹𩠌，都喺求其揾手机快摄，相片质素一般般。子姜水晶淆肉 $108呢一道喺经典嘅上海冷盘，睇见都感觉到冰凉清爽，头尾嘅冻膏清爽有点柔滑感，中间嘅猪蹄肉占比多，入口有种松化感，沾上镇江醋添一份酸香味，整体做得几有水准。花雕醉鸡 $106另一款颇钟意嘅上海冷盘就喺花雕醉鸡，因为含花雕酒香，确喺甚有特色嘅冷盘，加上啲鸡件做得皮爽肉滑，微微酒香渗出嚟 ，唔呛喉，的确好食。鲜肉小笼包 $96你话好想食小笼包咩，又唔算，但喺嚟到无食咩，又好似争咗啲，所以，叫咗两客鲜肉小笼包，一客8只，够晒我哋咁多人分。小笼包即叫即蒸，所以，嚟到时热气腾腾，折纹就唔算好靓，但外皮搓得够薄，咬开就见，肉饀松化唔在讲，里面仲有好多汤汁，最好喺肥猪肉唔多嘛。榨菜肉末 $148呢个菜式喺小弟嘅推介，因为，可以当喺小食咁。本身每份榨菜肉末跟一客叉子烧饼，我哋人多就额外点多两份烧饼。简单嚟讲就喺榨菜炒免治猪肉，放入烧饼一齐食，烧饼香脆，肉末浓香，夹埋一齐食滋味过瘾。铁板京葱爆羊肉 $188因为以铁板上，上枱时非常吸引，因为京葱嘅香气四溢，啲羊肉好嫩滑，而本身羊骚味已经唔重，加埋大量京葱，连唔食羊嘅朋友都话OK，仲觉得几唔错添。奶油津白 $118津白（绍菜）一向俾人感觉喺啲平价菜，不过，一讲到奶油津白，津白又变得好不一样，经过厨师巧手，清甜嘅津白，淋上细腻柔滑嘅奶油茨汁，一样成为滋味菜式。紫心蕃薯浸豆苗 $128一餐饭点都要有多少少蔬菜类菜式，随心点咗呢一碟豆苗，加上啲紫心蕃薯条，清清哋，又几唔错，最紧要喺啲豆苗够嫩。金桂花柚子虾球 $268海鲜类菜式都拣咗两款，都专登拣啲较有特色嘅，先分享呢一道虾球，卖相确喺几靓，一来外观金黄生辉，二来啲虾球够晒大只，好有睇头，再者肉质爽口弹牙，既有桂花香，又有柚子嘅甜味，赞呀！招牌松子鱼 $238海鲜类菜式真喺不得不提松子鱼呢道经典上海菜，经典在于既花功夫，煮起嚟又要有手艺，否则，松子外型走晒样，唔脆又唔好食。然而，依一尾就做得相当出色，一来卖相靓晒，二来个鱼做到外脆内嫩，橙红嘅甜酸茨汁做得啱啱好，唔会太厚身杰挞挞，甜酸味又恰到好处唔呛喉。雪菜肉丝炒年糕 $138咁大棚人点都要点番几碟炒粉饭面嚟垫肚先得，先喺一道较传统嘅雪菜肉丝炒年糕，年糕柔韧有咬口，带咸咸哋嘅雪菜同肉丝，味道唔错。上海粗炒 $138最能体现上海菜浓油赤酱嘅神髓就喺上海炒粗，简单只以白菜仔同肉丝炒，主角喺啲面条，炒得保持𠮶份咬口感，而且，味道确喺好香浓，食落又唔算好油。傻佬炒饭 $148傻佬炒饭一啲都唔傻佬，小弟觉得可以讲喺豉油皇炒饭，揾豉油炒过宁舍香，饭粒分明又爽身，饭内混有鲜虾、肉粒、葱粒、粟米粒，仲洒咗啲肉松，令个炒饭丰富好食。桂花芦荟杞子糕 $58因为一大棚人，甜品都喺揾啲易分享嘅选择，桂花糕就喺其一，一客6件，仲可以轧细一半，多啲人试到。桂花糕冰凉清爽，充满桂花香，又加入芦荟同杞子，添上几分口感。豆沙锅饼 $65同枱有人好想食豆沙锅饼，当然有求必应啦，1客有8件，饼皮炸得金黄，入口香脆唔油，内里填满豆沙，清甜好味。高力豆沙 $24 /个最多人举手想试嘅喺高力豆沙，尽量满足大家。每个都做得涨卜卜，外层洒满糖霜，一口咬落去，外皮松软富弹力，内面放有唔少豆沙馅，同样清甜不腻。今晚大家都食得好开心，除咗一次过试咗好多嘢之外，最紧要都喺啲味道做得好，又唔啱食，而且，招呼非常之熨贴，啲侍应又有礼貌㖞，咁先喺做生意长远之道。
继续阅读
我地一家人役情后每年聚餐都会订德福广场金满庭，风雨不改，为既系佢地既片皮鸭，今年一如以往早一个月前订座，今晚更提早入座，有位职员负责我地呢台，7pm就揾呢位职员即刻落单要左片皮鸭先，顺带提佢可以即上，其他野晏d先落，到左7:35pm, 其他后落既𩠌都食到一半既时候，同一位职员黎到同我地讲：「唔好意思，今日片皮鸭卖晒」 我话我7pm落单, 点会7:35pm先发现冇晒，佢话唔好意思，落单同事唔知道已经冇晒（但佢正正就系同我地落单个位同事），佢再话今日有几台客order左$3088个餐都有片皮鸭。 咁就明晒，出比套餐客，牺牲散餐客。 但都冇办法被迫取消单，但最嬲系由7:45pm开始，我地见职员一路出片皮鸭，出到8:45pm都仲有，我忍唔住再问呢位职员，8:45pm 仲出紧片皮鸭，点解我7pm落单都冇份，我到餐厅个阵10台客都唔够。 佢之后走左去，完全无视我，亦冇再返黎解释原因。当晚带一家人只为一道菜，但被取消单之余，整餐饭一直见度片皮鸭不断响我地眼前出现，极之难受。本人已正式要求贵集团翻查当日订单，调查是否有职员操守失当。本人9pm离座，我后面仲有一个职员切紧片皮鸭原本开开心心既一餐饭就比一位职员破坏晒
继续阅读
朋友话好耐冇食金满庭既高力豆沙，所以中午饭就拣左食佢啦。walk-in都系等一张枱就有位👍今次有卡位坐，私隐度🆙水晶肴肉：啫喱冻入口即溶，一夹即烂🤣唔会好咸，配埋姜片同醋一齐食减低左个油腻感。花香玫瑰骨：排骨炸得好脆，加埋酸酸甜甜既汁，食落好开胃，但就唔系好食到有玫瑰味，就同出面既咕噜肉系差唔多味。砂锅云吞鸡：汤底好鲜，d津白同小棠菜煮到淋哂，好鲜甜，云吞粒粒都好饱满。鲜肉小笼包：一笼5只，唔算好大只，个皮够软薄，食落一口爆汁得黎唔会好油腻，亦都食到肉嘅鲜味。香葱饼：炸得比较油，同埋个饼粉感好重，本身以为会系酥脆既质感，但后食落系比较厚实硬身。高力豆沙：每次黎金满庭必点既甜品，上枱个阵仲好热辣辣。蛋白炸完食落系软绵绵，入面既豆沙甜度适中，仲加埋香蕉，连埋外层既糖霜，中和左本身冇味既蛋白。
继续阅读
二访呢间京川沪菜馆 水准唔错 选择够多元化🇨🇳最啱新年带长辈聚餐✨.📌茶水巾芥 $16试左人参乌龙 回甘味香醇🍵.📌铁板黑毛猪叉烧 $168以铁板上 新鲜热辣 渣渣声 即时升Lv.🔥用上黑毛猪 食到肉鲜味🐷但肉质偏干硬 唔够软腍 蜜汁味过甜🍖另配以大量花生 好香口🥜.📌招牌松子鱼 $238必encore松子鱼‼️鱼劲大条有份量 炸到金黄酥脆🧡肉质滑嫩有鲜味 鱼骨可以嚼碎埋 好香口 🐟淋上三色豆酸甜汁 好开胃🥕🫛🌽.📌和尚戴帽(跟薄饼) $128蛋皮煎得软嫩唔干🍳盖住酱油炒粉丝 爽滑浓香🍜拌料有：竹荀, 豆干, 冬菇, 芽菜, 木耳丝, 大白菜等 口感丰富 🍄🟫🌱🥬配左柔软薄饼 但都系酥脆叉子烧饼夹啲🫓.📌招牌炒饭 $152炒饭做得几唔错👍🏻米饭粒粒分明 干身唔油腻🍚配料有蟹籽, 蟹柳, 珍珠贝, 香葱, 蛋花等 调味唔浓 清爽香口🦀🍳🌱.📌巴蜀十三香鸡(半只) $168类似炸子鸡 鸡皮好脆 肉质嫩滑有鸡香🍗原本已经好够味 沾上少许香料粉 更惹味🌿.📌蚂蚁上树 $98粉丝加入大量肉碎同辣酱料炒 香辣惹味🌶️🐷但配料唔多 口感味道较单一 仲偏油腻👀.📌养生汤时蔬(西兰花) $122上汤加入红枣, 杞子, 党参等 足料养生 味道好清 啖啖药材香🍲西兰花熟度刚好 爽口清甜🥦.📌蒜蓉炒豆苗 $128豆苗青绿爽嫩 加入蒜蓉炒 好香口 但偏咸咗啲🌱🧄
继续阅读
今次嚟到九龙湾德福广场第二期既金满庭食lunch，环境不错，有好多卡位，lunch time 时间不用等位。佢宜家做紧一至五有半价优惠，每枱可以可以拣一样，包括鸡丝粉皮、老北京酱蹄、上海粗炒、凤梨鱼柳同埋北京水饺。今次同行两人叫左小笼包，小笼包汁非常浓郁，系包汁个只，热辣辣好好食另外叫咗排骨担担面，担担面味道啱啱好，不会过咸和过辣，排骨炸得好脆，配埋担担面一齐食啱啱好另外叫咗半价嘅上海粗炒，上海粗炒唔会太油，而且都几足料
继续阅读