影片
更多
2010-03-21
17 浏览
20-3-2010朋友 J 話過呢間拉麵店「麻麻哋好食」, 不過自己未試過真係唔多心息 , 是日收工又捉了朋友嚟試試. 叫了兩份午市拉麵餐, 各自有一碗拉麵, 兩份小食就叫了唔同款的方便 share, 不過整體印象只有 3 / 4 個字 --「超級 rip-off」!小食 #1 係煎餃子, 一客 4 隻, 餃皮算薄身, 底部算香脆, 餡料幾多不過鮮味度一般; 而最大敗筆就一定係溫溫吞吞的溫度, 討厭到呢 另外原來係無 for 餃子的酸醋汁 (?) 供應, 幾奇怪.小食 #2 係唔記得乜名的炸雞, 賣相 hea 得很, 炸得皮算脆口, 肉亦嫩腍, 不過都幾鹹, 而且油膩得很 , 百份百得啖笑之作.主食揀了「醬油豬骨湯」的豬軟骨拉麵... 湯底極熱, 勁多「浮油」, 賣相幾似樣, 飲落亦尚算鮮甜, 鹹鮮度一般, 不過無乜 MSG 痕跡, 算係咁吧; 拉麵質地尚算煙韌, 不過帶少少鹼水味 (!?), 感覺一般; 豬軟骨賣相「一大舊」, 食落瘦肉軟熟, 黐住點肥, 食落幾滑口 (!), 味道帶點甜, 軟骨部分就夠「軟」及膠口, 算係咁; 而「味玉」蛋黃夠溏心亦幾夠香甜, 成碗麵佢最好食
朋友 J 話過呢間拉麵店「麻麻哋好食」, 不過自己未試過真係唔多心息 , 是日收工又捉了朋友嚟試試. 叫了兩份午市拉麵餐, 各自有一碗拉麵, 兩份小食就叫了唔同款的方便 share, 不過整體印象只有 3 / 4 個字 --「超級 rip-off」!
小食 #1 係煎餃子, 一客 4 隻, 餃皮算薄身, 底部算香脆, 餡料幾多不過鮮味度一般; 而最大敗筆就一定係溫溫吞吞的溫度, 討厭到呢 另外原來係無 for 餃子的酸醋汁 (?) 供應, 幾奇怪.
小食 #2 係唔記得乜名的炸雞, 賣相 hea 得很, 炸得皮算脆口, 肉亦嫩腍, 不過都幾鹹, 而且油膩得很 , 百份百得啖笑之作.
主食揀了「醬油豬骨湯」的豬軟骨拉麵... 湯底極熱, 勁多「浮油」, 賣相幾似樣, 飲落亦尚算鮮甜, 鹹鮮度一般, 不過無乜 MSG 痕跡, 算係咁吧; 拉麵質地尚算煙韌, 不過帶少少鹼水味 (!?), 感覺一般; 豬軟骨賣相「一大舊」, 食落瘦肉軟熟, 黐住點肥, 食落幾滑口 (!), 味道帶點甜, 軟骨部分就夠「軟」及膠口, 算係咁; 而「味玉」蛋黃夠溏心亦幾夠香甜, 成碗麵佢最好食. 唔差的一碗拉麵, 不過以 $120+ 的 set lunch 價嚟講, 就絕對唔收貨了 -- 唔係開喺 IFC 可以「自動」收貴出面一截的, 食物唔(夠)好的話, 價錢同出面一樣都唔值吧
朋友食「醬油豬骨湯」的叉燒拉麵... 試了一件叉燒, 乜成件五花腩一樣, 又切到咁厚的? 食落瘦肉唔會硬實, 但同「鬆化」好有距離, 肥部分就唔「溶」又唔香, 一舊舊無乜味的油脂「隊」入口實在有點浪費 quota, 都係唔食了.
食物果然如朋友 J 所言「麻麻哋好食」, 環境亦認真麻麻, 迫夾到呢 店員們 cool 到爆, 態度帶點「唔想理你」, 招呼亦麻麻.
連加一約 $130, 朋友嗰份就約 $110, 都怪我偏向「麻麻哋好食」行, 連累朋友離開時一副「冏」樣, 後會無期!
张贴
