壹小店 (已結業)

星期日去開觀塘，專登搵左e間餐廳試下。係牛頭角站行去都有d遠，唔算好方便。入到去環境唔錯，幾靜，佈置幾有特色，牆身係金庸小說，好多頁咁貼係牆到，天花板有d書掛左係到。食物方面主要有蛋餅，窩夫，漢堡包，貝果，唔算好多選擇。我地叫左蛋餅，一個係傳統西班牙蛋餅，一個煙三文魚蛋餅，兩個都有跟餐湯（紅湯）同沙律。傳統西班牙蛋餅要$98，另外煙三文蛋餅要$108，本來諗住會大碟d，湯同沙律都比較細碟。味道同賣相方面都有水準，蛋餅有好多芝士，裡面有好多料，蛋有蛋味，成個蛋餅有d焦香，而且個pan好熱，溫度keep到，係好食既。如果可以大份d就好啦😂可能我大食。