阿來泰式地道風味

营业中

休息中

食完已經兩點都仲有人排隊，星期日都有lunch set，仲要只售$48包埋嘢飲，超抵食！椰汁青咖喱雞飯 $48好多飯，大概有2碗多啲，雞肉全部都係無骨，啖啖肉，青咖喱有少少酸辣，有啲似冬陰功味。泰皇咖喱炒軟殼蟹 $108好好食，十分推薦尼個！大概有4舊軟殼蟹，炸到好香脆而又唔油膩，咖喱汁唔辣甜甜地，椰汁味濃郁，啲汁攞黎拌飯或者沾包一流。芒果糯米飯 $58第一次食尼個甜品啲飯係熱嘅，芒果好甜，椰汁多到蓋過成個糯米飯，椰香飯煙韌。