影片
更多
2022-07-23
1379 浏览
假日，通常都瞓到自然醒，之後找個地方悠閒嘆個Brunch，逍遙自在咁渡過。令我晨早爬起身既，係會展中庭既任食點心，只在Weekend的十點至十二點供應。三百五十八的價錢，除左三層架的食物及灌湯餃每人一份外，其餘的東西，任你吃個夠，香港人最中意就係任點任食架喇！三層架送上來，立即傳來撲鼻的松露香，頂層呢件腐皮卷，要試！芹香琥珀雞頭米幾清爽，我個人一向喜歡吃粒粒的東西。蔥油海蜇都爽脆，正常發揮。鹽焗鮑魚爽口不韌，而且已經切開，吃得更方便。蟹蓋漲卜卜，好多蟹肉好香，不過葡汁釀蟹蓋這東西，真係好漏。灌湯餃並不是傳統的出品，而是浸在湯內的。然而，湯頭清甜，灌湯餃漲卜卜，餡料豐富，味道都唔錯的。之後是一系列的任食點心。蝦餃外型靚仔，些少金色的點綴更顯矜貴。燒賣有兩款，綠色外皮的是蟹籽香菇燒賣，身型飽滿幾吸引。不過重口味既我，更鍾情麻麻辣辣燒賣，惹味但不致辣到噴火，值得一試。兩款素餃都做得晶瑩，餡料豐足。黑松露野菌餃贏在香氣，但水晶紅頭菜餃的清甜，我卻更為欣賞。蟹肉兔仔餃，賣相可愛得來，又有勁多蟹肉，要試呀！對在粵菜館子吃小籠包，總是有點忌諱。然而呢度又唔一樣，睇個外型已經知道，皮薄肉鮮有湯汁，絕不
假日，通常都瞓到自然醒，之後找個地方悠閒嘆個Brunch，逍遙自在咁渡過。令我晨早爬起身既，係會展中庭既任食點心，只在Weekend的十點至十二點供應。
三百五十八的價錢，除左三層架的食物及灌湯餃每人一份外，其餘的東西，任你吃個夠，香港人最中意就係任點任食架喇！
三層架送上來，立即傳來撲鼻的松露香，頂層呢件腐皮卷，要試！芹香琥珀雞頭米幾清爽，我個人一向喜歡吃粒粒的東西。蔥油海蜇都爽脆，正常發揮。
鹽焗鮑魚爽口不韌，而且已經切開，吃得更方便。蟹蓋漲卜卜，好多蟹肉好香，不過葡汁釀蟹蓋這東西，真係好漏。
灌湯餃並不是傳統的出品，而是浸在湯內的。然而，湯頭清甜，灌湯餃漲卜卜，餡料豐富，味道都唔錯的。
之後是一系列的任食點心。蝦餃外型靚仔，些少金色的點綴更顯矜貴。
燒賣有兩款，綠色外皮的是蟹籽香菇燒賣，身型飽滿幾吸引。不過重口味既我，更鍾情麻麻辣辣燒賣，惹味但不致辣到噴火，值得一試。
兩款素餃都做得晶瑩，餡料豐足。黑松露野菌餃贏在香氣，但水晶紅頭菜餃的清甜，我卻更為欣賞。
蟹肉兔仔餃，賣相可愛得來，又有勁多蟹肉，要試呀！
對在粵菜館子吃小籠包，總是有點忌諱。然而呢度又唔一樣，睇個外型已經知道，皮薄肉鮮有湯汁，絕不比滬式館子遜色。
鳳爪入味，又唔會溶溶爛爛咁，吃得過。山竹牛肉的口感也沒有實的的。
煎炸香口嘢我當然喜歡，咸水角做到南瓜咁既樣，我覺得有點偏大隻，吃半隻我就足夠了。
脆皮鮮蝦雲吞要趁熱食，咬落超級鬆脆，令鮮蝦餡料也頓成配角，沾些少甜酸汁，我想『安哥』一隻。
又來一些包點，說是迷你素菜包，其實都唔太迷你。叉燒包是傳統的裂口出品，岩晒愛忠於原著既我。最吸睛的，毫無疑問係香濃紫薯包，顏色吸引之餘，味道亦真的濃郁，紫色控一定要試。
我從來唔知馬拉糕係咪屬於甜點, Anyway，熱辣軟熟的出品，我就是喜歡。
飽到上心口，但吃甜是另一個胃。香甜鬆脆的脆麻花和馬仔，外形略帶日系的綠茶餅，以至清潤的腐竹糖水，都俘虜了我的甜胃。飽到晚飯都幾乎唔使食~
张贴
