影片
更多
2023-05-18
29 浏览
今日同朋友黎到長沙灣， 見到有間餐廳掛住雞泡魚造型嘅燈籠幾吸睛下 。 望下餐牌，餐廳主打嘅係魚生丼同串燒， 諗起自己好似好耐都冇食過魚生，就入去試下。我點咗一客火炙鰈魚邊，磯燒鮑魚，吞拿魚腩蓉同王子燒嘅丼。 不得不提呢個碟魚邊 ，燒到有少少焦香味 ，入口充滿魚嘅油脂香 ，嫩滑無比，大推。 燒鮑魚貝有鮑魚肝醬，肝醬用鮑魚肝同生殖線壓碎而成，呈深綠色。 食落有少少沙沙地嘅質感，帶有鮑魚獨特嘅鮮味， 撈住微酸嘅白飯嚟食非常之開胃。 吞拿魚腩蓉打成蓉，食落絲毫冇筋，但又保留吞拿魚獨特嘅香氣， 撈飯食都係非常之唔錯。 玉子燒口感紮實，甜度適中， 係細塊咗少少。同行朋友自選咗一款海鮮丼， 本來諗住食象拔蚌，可惜賣曬。所幸可以自選嘅海鮮種類都唔少，最後叫左熟帶子，中華沙律同味付螺肉。 整體食材新鮮唔會腥， 值得再試。我哋另外仲嗌咗啲串燒 ，分別叫左汁燒露荀牛肉卷，燒雞軟骨，燒明太子雞髀，長洲大魚蛋，豚肉荔枝卷，燒蒜心。當中不得不提下佢哋嘅荔枝豚肉卷同埋燒蒜心。 荔枝豚肉捲係利用薄切嘅豚肉包裹著原粒荔枝落去燒， 食落帶有荔枝嘅清甜味， 口感非常之特別，值得一試。 燒蒜芯帶有牛油蒜蓉嘅香味，食落脆嫩無渣
今日同朋友黎到長沙灣， 見到有間餐廳掛住雞泡魚造型嘅燈籠幾吸睛下 。 望下餐牌，餐廳主打嘅係魚生丼同串燒， 諗起自己好似好耐都冇食過魚生，就入去試下。
我點咗一客火炙鰈魚邊，磯燒鮑魚，吞拿魚腩蓉同王子燒嘅丼。 不得不提呢個碟魚邊 ，燒到有少少焦香味 ，入口充滿魚嘅油脂香 ，嫩滑無比，大推。 燒鮑魚貝有鮑魚肝醬，肝醬用鮑魚肝同生殖線壓碎而成，呈深綠色。 食落有少少沙沙地嘅質感，帶有鮑魚獨特嘅鮮味， 撈住微酸嘅白飯嚟食非常之開胃。 吞拿魚腩蓉打成蓉，食落絲毫冇筋，但又保留吞拿魚獨特嘅香氣， 撈飯食都係非常之唔錯。 玉子燒口感紮實，甜度適中， 係細塊咗少少。
同行朋友自選咗一款海鮮丼， 本來諗住食象拔蚌，可惜賣曬。所幸可以自選嘅海鮮種類都唔少，最後叫左熟帶子，中華沙律同味付螺肉。 整體食材新鮮唔會腥， 值得再試。
我哋另外仲嗌咗啲串燒 ，分別叫左汁燒露荀牛肉卷，燒雞軟骨，燒明太子雞髀，長洲大魚蛋，豚肉荔枝卷，燒蒜心。
當中不得不提下佢哋嘅荔枝豚肉卷同埋燒蒜心。 荔枝豚肉捲係利用薄切嘅豚肉包裹著原粒荔枝落去燒， 食落帶有荔枝嘅清甜味， 口感非常之特別，值得一試。 燒蒜芯帶有牛油蒜蓉嘅香味，食落脆嫩無渣，值得翻桌。
张贴
