影片
更多
2018-11-07
528 浏览
話說11月係男朋友既生日，正當我苦惱緊同佢去邊慶祝之時，今晚竟然帶左我黎呢間有book mark既呢間壽司店。最近都見到IG有人放相，野食外觀都好靚！估唔到book mark左既餐廳今晚會黎到，真係有點受寵若驚❤️整間餐廳都行日和風格，當晚黎到平日晚大概有5成人客，格調高雅，客人都係細細聲傾偈靜靜食野，成個感覺好舒服😌點餐後職員就送上呢個具有心思既前菜，感覺就好似一個靚靚盤景般🙂 新鮮海苔冇加調味味道比較淡身，炸魚鬆脆可口帶有魚本身既魚香，新鮮明太子口感卜卜脆，同平時我食開既明太子口感好唔同，爽脆既明太子呈粒，好味道❤️😋😋😋最欣賞係細細既蟹仔，雖然感覺似係新鮮落鍋炸成，好似有點殘忍，但造型別具心思，蟹仔仲可以成隻食落肚嫁！花木仲買人特選壽司十本 $398開頭仲諗緊叫唔叫呢個十本壽司好，但黎到之後就覺得值回票價，因為北海道海膽(2本)要$188，仲有其他都係有水準既壽司，所以點呢個真係化算得多。味道比較重身既海膽，鋪滿壽司飯面。新鮮既海膽食落好實在，放入口之後真係唔捨得吞落肚🙈🙈🙈牡丹蝦又係呢個set入面既靈魂☺️ 男朋友好好地比我食晒佢地落肚，蝦肉肉質好實淨，超鮮甜好好味🤤🤤🤤本身唔太好魚
整間餐廳都行日和風格，當晚黎到平日晚大概有5成人客，格調高雅，客人都係細細聲傾偈靜靜食野，成個感覺好舒服😌
點餐後職員就送上呢個具有心思既前菜，感覺就好似一個靚靚盤景般🙂 新鮮海苔冇加調味味道比較淡身，炸魚鬆脆可口帶有魚本身既魚香，新鮮明太子口感卜卜脆，同平時我食開既明太子口感好唔同，爽脆既明太子呈粒，好味道❤️😋😋😋
最欣賞係細細既蟹仔，雖然感覺似係新鮮落鍋炸成，好似有點殘忍，但造型別具心思，蟹仔仲可以成隻食落肚嫁！
花木仲買人特選壽司十本 $398開頭仲諗緊叫唔叫呢個十本壽司好，但黎到之後就覺得值回票價，因為北海道海膽(2本)要$188，仲有其他都係有水準既壽司，所以點呢個真係化算得多。
味道比較重身既海膽，鋪滿壽司飯面。新鮮既海膽食落好實在，放入口之後真係唔捨得吞落肚🙈🙈🙈牡丹蝦又係呢個set入面既靈魂☺️ 男朋友好好地比我食晒佢地落肚，蝦肉肉質好實淨，超鮮甜好好味🤤🤤🤤
本身唔太好魚刺身，所以其他既都比男朋友食，鮮甜味既厚身帆立貝叫誰不喜愛❤️
點特選壽司十本既麵豉湯，食生冷食物前既佐胃之物，入面都有蜆肉。
左口魚邊 & 芥辣生八爪魚粒軍艦紅肉刺身比較少食，反倒中意白肉既左口魚邊，油脂含量比所其他魚刺身重，所以食落好香口😇👏🏻
芥辣生八爪魚粒軍艦感覺就好似係用上新鮮八爪魚切落黎一樣！不過芥辣個人覺得唔夠重，如果可以食落辣辣地刺激到味蕾會更加正😋
雞皮 $38師傅炸到雞皮好脆，因為炸到好脆所以一d都唔油嫁！唔講我都唔知我係食緊雞皮呢
白鱔 $88口感厚實面實在既白鱔串燒，食落熟成程度岩岩好，魚肉好滑身～睇落好似好燶實情唔係別水，果個位其實係魚皮，皮下脂肪帶有香味，而且師傅仲好有心思咁幫客人去骨，不知不覺就食晒成串喇
鹽燒牛舌 $108極度推介既燒物，牛舌咸香適中，燒得岩岩好，牛舌頗有厚度食起黎係juicy有肉汁嫁，同平時食到既燒牛舌口感差太遠喇！軟身口感，加上青檸汁提鮮&一解油膩
餐廳水準太高了，今日真係食得好開心，同男朋友講講下之下先知原來今日帶我黎係慶祝我考試大獲全勝，就快可以攞到證書喇，所以先帶我黎呢度好好慶祝一下☺️☺️☺️❤️ 真係個好好好值得慶祝既紀念日❤️
张贴
