HIKARI

今日同朋友嚟到荃灣覓食，行行吓經過呢一間Cafe，見到環境唔錯，同埋Menu嘅食物都啱我哋口味，所以就入咗嚟試一試。入到去同職員傾咗傾之後先知原來呢一間店係新開嘅，以新店來説，呢間嘅服務態度同埋食物質素都經營得唔錯，因為我哋入到去，食完就即刻送水過嚟同埋幫我哋介紹Menu，仲有佢哋都會留意客人嘅需要，一個眼神佢哋就會過嚟，值得鼓勵！👍🏻講返啲食物先，我同朋友兩個人叫咗兩份小食，兩份主菜同兩杯嘢飲。分別係三重芝士薯條，蒜片安格斯一口牛，帶子蕎麥麵，牛肩肉蕃茄黑欖闊條麵。飲品我哋就叫咗最多人推介嘅鮮橙梳打同鮮奶黑芝麻。兩份小食嘅份量都好大，而且味道都幾好， CP值好高！至於主菜嘅份量同味道都唔錯，牛肩肉闊條麵嘅調味偏鹹，啱晒重口味嘅朋友🤩至於環境方面，職員安排咗我哋坐上層，上層環境相對安靜同埋隱蔽，好適合閨蜜談心，而且又有打卡位，十分推薦朋友聚會！