阿叔泰麵 (積信街) (已結業)

大圍車站附近有唔少小店，今次試下阿叔泰麵嘅船麵，平日食船麵都係揀金邊粉，今次揀粉絲係一個唔錯嘅選擇，粉絲浸住喺個湯底度入曬味，材料主要有牛腩、炸豬皮、肉丸，份量足，牛腩「林林」地都幾好食，想湯底再濃味啲可以根據餐廳建議加埋枱面提供嘅4款調味，唔太食得辣嘅記得唔好加太多辣椒粉。嘢飲方面簡簡單單叫左杯青檸蜜，估唔到都幾大杯，餐具也靚靚的。餐廳雖然細但都企理，裝修亦有泰國小店feel，食物質素不錯，除咗食麵都有唔少其他選擇，店員非常親切有禮，大家去開大圍不妨支持一下。