就是烤菇 (已結業)

今晚游完水，好肚餓，於是同朋友決定食個宵夜先返屋企。住柴灣嘅人應該都知道樂軒台出名多宵夜食，而今次我地就揀咗食呢間烤菇啦😋店面細細地，營業時間係下午5點之後。因為店鋪係同人分租，所以想食嘅朋友就記得5點之後先嚟啊～柴灣宵夜嘅特色之一就係好多鋪頭都無咩位，所以會開幾張枱係出面食。熱係熱啲，不過咁樣更加有宵夜嘅感覺👻之前烤菇唔係開係呢個位，但租金太貴，所以要搬，呢個鋪位租金平啲，食物價錢相對都調低咗。游完水真係好肚餓（證明我有認真游～），我地叫咗兩個飯，兩款小食，一個烤菇同一碗湯。諗返起都覺得多，每次都係眼闊肚窄👀呢到嘅野食全部都係即叫即做，熱辣辣，又夠新鮮👍🏻首先嚟咗小食先，其中一樣係炸雞翼（＄28@5）個皮炸得好脆，無落炸炒感覺唔會粉，好原汁原味👍🏻啲肉幾嫩，攤一陣先食都仲有煙出，大大隻，好食！配埋老板自製嘅洋蔥忌廉汁，有少少香茅味好夾😋仲有雞軟骨（$29），雖然賣相唔太討好，但勝在好食。脆卜卜，好有咬口，香草味比較重。個人鍾意椒鹽多啲，但香草就比較少見～主角烤菇嚟啦，呢個係牛油果海蝦沙律烤菇（$33）😍賣相好吸引，啲牛油果醬真係好好食，好清甜，唔會好似芝士咁「漏」👍🏻隻蝦都好爽口，烤