淥鼎記

营业中

休息中

作為一位火鍋愛好者，經常都鍾意去試下唔同嘅火鍋店。今次就聽朋友介紹呢間位於觀塘亞太中心嘅「淥鼎記」試下，覺得體驗良好，向大家推薦。呢度裝修幾有特色，而且檯與檯之間唔會太迫，所以環境算係好舒服。餐廳主打火鍋放題，我地當晚叫左個最入門級嘅火鍋放題「小寶套餐」（$238），食物選擇都夠曬我地嘅需要。湯底有好幾款選擇，當日我突然好想食辣，就叫左好惹味好過癮嘅麻辣火鍋湯底，俾大家睇下個賣相～丸類餃類同蔬菜等都擺左喺出面，選擇非常多，而且全部都唔係啲cheap嘢，而係幾精緻嘅。個人最喜歡墨魚丸同香菇貢丸，兩款丸都好彈牙，而且鮮味十足。肉類方面選擇都有好幾款，包括牛小排、肥牛、羊肉、雞腿肉等。值得一讚係呢度啲牛肉好新鮮，牛味十足！飲品方面，除左有大路嘅可樂、無糖茶之外，亦有自家製嘅冷泡茶同埋其他地方比較少見嘅「鴻福堂嘅百香果蜜」。我第一次飲呢款百香果蜜，發現佢解辣一流！總結：即使係最平嘅放題選擇都絕對夠飽，食物選擇都幾多，最緊要係食材新鮮！