蝦蝦燒

营业中

休息中

近年大熱既流水蝦燒烤，令周圍開了唔少呢類型既餐廳，呢間絕對值得推介。食物方面，先講海鮮：除了新鮮既大頭蝦外，仲有鮑魚，扇貝，連殼生蠔，貴妃蚌，大蜆，帶子，大眼雞，東風螺等等。淨係食海鮮已經夠哂。肉類丸類既串燒，都好多款式，有牛，羊，豬，咖哩魷魚等等。 深入講下啲海鮮，大頭蝦非常新鮮，要夾上黎都要小心佢彈走咗，而且多膏，肉彈牙。而其他海鮮都十分新鮮，最特別係連大眼雞都有得燒。調味粉有孜然粉，辣粉，鹽等，亦可加蒜蓉同葱花。特別一提既係，一去到係有舖頭已調好味既大頭蝦比你燒住先，外加鍚紙盒焗蝦，再加上一人限定一串既鰻魚串，真係值回票價，好好味。飲品方面亦有多款罐裝飲品，如可樂等等，雪糕雪條也有幾款。 另外還有小食，而最貼心既係佢有烏冬比客人自己煮，有小朋友可以煮比佢地食。環境方面，非常乾淨，沒油煙，流水蝦缸啲水好清，坐位方面普通啦，但枱與枱之間好闊落，食得安心。價錢人均約$370，食2.5小時，但以咁既質素，絕對值，性價比高。