金鶴拉麵 (九龍城道) (已結業)

坊間既日本拉麵，主打以豬骨同味增做拉麵湯底。用雞做湯底比較少而且有特色，上網見到金鶴拉麵主打鷄白湯，二話不說就約好朋友一齊去試試佢。店員一奉上餐牌，就比期間限定四隻字吸引，一於就叫咗北海道極濃蟹湯拉麵。好朋友就叫咗主打既金鶴·雞白湯拉麵。落單既時候，店員會提起每碗拉麵topping 都會附上蔥筍蕃紅絲，盡顯細心。北海道極濃蟹湯拉麵 $138期間限定。極濃郁蟹湯湯底，蟹味相當澎三湃。真係好好味，加上手拆既北海道蟹肉，份量頗多。充滿蔥，雲耳，半熟蛋，紫菜，薄片叉燒加上極濃蟹湯底同拉麵，口感好豐富好有層次。拉麵煙韌適中，很不錯。成碗拉麵連湯底都清哂，好滿足。喜歡海鮮湯底拉麵既朋友，一定唔可以錯過期間限定。金鶴·雞白湯拉麵 $98一端上台比賣相吸引了，成個藝術品。賣相同餐牌圖片一樣。食到充滿鮮甜既雞湯味加上奶白色湯底。配上炸牛蒡，要馬上食，口感香脆又薄身，如果浸落湯底耐左會腍掉了，拉麵topping 更有半熟蛋，蔥同雲耳，薄叉燒仲有兩塊厚切慢煮雞肉。相當豐富！另外我哋仲點左小食日式餃子(4件)$38同甜品抹茶軟凍 (4件) $33。濃濃既matcha 粉抹，口感煙韌既啫喱軟凍，很不錯。