明閣 (香港康得思酒店)

平時一般都係去屋企附近既酒樓飲茶，間唔中都要試下新野同好野嘅，今日一家人就黎明閣試下啦😍😍訂左12:15，去到要等一陣安排座位。起初我以為只係得幾張枱，點知轉右入面有好多個廳，仲有VIP房！座位都好寬敞～開左壺菊花同埋龍井☕️本身仲諗住叫碧螺春，不過因為每位計，所以都係冇嗌啦🤪菊花啲味焗左陣都係唔夠出，如果香濃啲就好啦。Menu除左點心外，都有小菜，有好多得獎嘅菜式，又有好多廚師推介，全部野都想試呀！叉燒比較瘦，不過都好腍、好香好夠味，如果半肥瘦應該仲正。屋企人話大公館的叉燒正啲！🤤黑毛豬咸水角，但我食唔出同一般既咸水角有咩分別🤨 XO醬炒腸粉，食唔到XO醬味，我預期係會辣啲惹味啲！要讚下啲腸粉，真係好滑😋我自己後期沾多啲枱上附上的明閣XO醬，脆米腸，一上菜既時候見到粉紅色粉皮已經覺得好特別，食落去，又滑又薄既粉皮加脆卜卜既餡，一流！三色餃，普通，唔係好夠味！炸子雞，個皮好脆，雞肉好嫩滑，附上淮鹽同檸檬汁，好好食！炸藕片夠薄夠脆，半隻雞轉眼就食完！乳豬炒飯，個乳豬皮好似薯片咁脆。不過個飯好似冇乳豬肉😂😂最後叫左三款甜品。左起，杏仁芒果卷，擂沙湯丸，蛋散，全都好好食～煮熱左既的芒果既口感有