牛角日本燒肉專門店 (已結業)

出糧日，有人請吃大餐，去左牛角！位於新都會廣場內的牛角，經常排長龍，今天也不會例外！七點到達，拎左飛，都要等50分鐘……入座又冇規定幾時交抬，又有二人卡位，可以慢慢享受燒肉晚餐 我們決定叫燒肉五品盛合-燒肉汁，五品野菜盛合，牛角飯兩碗，梅子青檸梳打和海蜇柚子醋沙律！ 燒肉五品盛合有牛舌4片，兩款牛肉……不懂咩部份，我以脂肪比較多和冇乜脂肪形容，有兩舊切開一半既粟米，菇，豬頸肉和雞肉。 冇乜脂肪既牛肉好juicy,有燒汁味道！而比較多脂肪那塊牛肉味重，油脂較多，雖然冇醃製過，但是原味也不錯！至於盬燒牛舌好淋，好薄，油脂也香，亦冇怪味。配上提供既三款酱汁之一 ~ 燒汁食，十分美味。而豬頸肉好爽既質感，燒得一點點焦，加燒汁又是極品！ 野菜有南瓜，洋蔥，菇，粟米，茄子，翠玉瓜，好豐盛！食燒肉要多吃點菜呢！全部也是新鮮，雖然冇調味，但是可以吃到蔬菜鲜味，健康之選。隨左自己燒，我們仲叫左海蜇柚子醋沙律！冇咁熱氣之選~ 有新鮮爽脆既生菜，海蜇，仲有紫色既海藻類物體，酸酸的柚子醋……開胃冷冷沙律又可降火。 牛角飯好味！雖然只是一堆紫菜加上甜甜的醬油，但是已經令人大快朵頤，而珍珠米又夠煙韌，perfec