牛角日本燒肉專門店 (已結業)

今日同同伴去咗食牛角。選擇60分鐘I +II 午餐定食。I ) ，II ) 樣樣都有少少，埋單嘅時候22x鬆啲加埋會員$200申請費，可即時用$100代用券。仲有其他代用券可以下次用。最後俾咗12x.

夏日炎炎,心想燒烤應該不合時令吧, 但路經牛角門口,發現佢都有好多清新口味的餐單, 適合夏令時日,我們決定入去一試, 叫左個椰菜沙律睇佢平平無奇,只係得椰菜,但個人認為牛角沙律之中,呢個係最好食,今晚食了一餐毫無罪惡感的清淡燒肉。

一般來說，午餐都不會吃太好，因為會覺得吃不消。但是有時候放假都會想吃好一點，反正一星期一次我們點了兩份定食，包含四款肉類、兩碗湯，兩份沙律、兩碗飯和兩杯飲料當然把白飯轉成牛角飯牛角飯加了秘製醬汁和海苔，別具日本風味而沙律則平平無奇，但是蔬菜新鮮牛角的肉真的少得可憐....但是有奈何每款肉質都鮮嫩多汁，尤其是肩脊肉臀肉燒完之後，由於油脂分布平均，令到肉質口感豐富，不會過分油膩而牛肋肉脂肪分布較少，所以較有嚼勁牛角有很多分店，質素都差不多，環境亦然，所以奉勸各位多帶一件外套

上星期五去左葵芳行街, 多數諗唔到食咩都會去牛角。今日都唔例外, 明知道晚市時段, 牛角, 和民, 牛涮鍋呢個位都會迫滿哂人, 醒目既我當然早D黎啦．六點幾我同朋友已經入座, 所以搵位1D難度都無, 而且早食飯無咁肥。唔太鍾意食SET, 所以今晚都係散叫野食。叫左溫泉玉子飯, 牛舌, 牛肋肉, 豚肉, 巨峰提子梳打。呢度人手感覺唔係好夠, 見D店員成晚都忙過不停, 有少少難叫佢地~~講反味道, 果然係'牛角'個人覺得牛舌同牛肋肉, 牛系列既食材比較好食, 好過豬同埋雞~牛舌味道好重, 好有咬口~牛肋肉都幾正, 有牛味得黎, 唔韌, 撈飯食一流~雞肉就不嬲係呢度既弱項, 好似無味一樣豬肉就不過不失~葵芳始終唔算太多食店, 種類都唔算多, 所以我覺得都仲會幫襯好多次~都唔算差~

今日lunch同同事去牛角食燒肉，午市比平時夜晚食平好多，但質素唔係差太還，好抵食午市嘅燒肉套餐有$62至＄89的選擇，包嘢飲同埋沙律、湯，另外白飯可以任叫。叫嘢食用平板電腦落單我哋叫咗牛助肉、雞胸肉、豬頸肉同埋豚肉 ，味道OK餐飲係凍奶茶同埋凍檸茶沙律都幾好食我哋一人食咗兩碗白飯，真係好抵食，一定會再試！

以前番學果陣好鐘意食牛角，特別係下午茶，六十蚊左右可以食到日式燒肉。肯比一百既，仲可以食到一個商務full set。但近一兩年，唔知幾時開始，牛角既肉明顯唔同左，我估9成係換左貨源。比起以前，已經無咁好食。牛肉味無咁重，肉質都un左好多。不過我覺得都仲係接受水平。直至今次去食，竟然仲要加左價 我最鐘意食既牛角雪糕亦都係個套餐度比人cut左。肉既水準下降左，雪糕都無埋仲要加價。呢個價錢要再食真係令人卻步。我情願佢加幾十蚊，變番以前質素仲好。而家兩頭唔到岸，貴得黎唔好食又換晒做渣野，雪糕都無埋。下次真係要諗諗先黎!

牛角一向係小解燒肉癮既好選擇。我就不嬲都會揀中午時段黎幫襯，因為性價比比晚餐高。兩點鐘，唔洗等位。用Pad 落單，都幾易用同方便，不過因為咁，員工比例低左。呢款午市套餐無記錯係百二蚊左右，係五款唔同既牛肉黎。D肉稱唔上係超靚既品質，不過都合格既 食落口味香，調味唔太花巧，都幾好食。比較之下，骨附個舊唔好食，舊骨大，好少肉，又無咩味，其他都幾好。最鍾意牛角飯可以添飯，雖然都知係紫菜豉油飯，但就覺得好好味。雖然呢排無加價，但好似無左以前個跟餐雪糕，變相貴左。

食燒肉本身已經好邪惡，而家仲要食宵夜，簡直係邪惡加邪惡！鬼叫牛角9:30pm後竟然有個咁邪惡嘅夜食限定，叫個二人套餐200幾蚊左右，在加上一啲指定食品有半價或者七折，所以就忍唔住入去試食啦！呢度有兩種二人前嘅套餐，一個係＄198 ,另一個係＄258 ,難得豁左出去，咁我就梗係揀高級啲嗰隻＄258試吓啦！裏面包括有牛角上級牛肋肉，腹胸肉，豚肉燒，雞腿肉，厚燒牛舌，呢幾款都係食燒肉經常會點嘅，而且牛雞豬都有，可以試到唔同野。先講下兩款牛，兩個都好好食好有牛味，就算唔小心燒耐咗，都唔會好韌，仲好juicy! 厚燒牛舌係我至愛，不過要燒得好小心，啲肉好嫰好味！啲雞就正常發揮冇乜特別!另外在叫左香蔥牛舌同埋肩脊肉，不過明顯就冇二人前嗰啲肉咁好食！加＄20有得任飲Asahi啤酒!好抵飲，燒肉梗係要配埋啤酒架啦！

原以為貴不可攀的香港牛角燒肉，竟有經濟的午市套餐，不要以為是經濟套餐便隨便的給客人做菜，套餐非常迎合香港人喜歡多選擇的特性，客人可以自選不同肉類，自行燒烤，份量亦足夠一人食用。是次選擇了牛肩脊、牛肋肉，味道很入味，令胃口大增！

見有恒生信用卡優惠，就嚟試下你。平時好似幾貴咁，有優惠嘅話就變得好抵食。叫咗個豐富版嘅套餐，有燒肉28塊，其中有和牛，牛舌，雞肉同豬肉等等。又有沙律同兩杯$49以下嘅飲品，差唔多等於叫咩飲都得。前菜沙律，羅馬生菜好新鮮，蝦竟然有蝦味同幾甜，不錯。燒肉：頗豐富 當中和牛好味，可惜脂肪分佈唔平均，打咗折扣。一口牛有少少韌。牛舌有牛味，正。雞肉同豬肉正常。呢個肉稍為醃咗，好味啲，腍滑啲。有四大塊，套餐包埋嘅。單點盛惠$82。男友努力燒肉中。。。。。。叫多個牛角飯，紫菜好香，入面有啲肉汁麻油咁，好香好好味。$28大大碗，還可以啦。是晚都算食得開心，服務正常，會員享有免開瓶費優惠，帶支燒酒紅酒黎飲下都不錯啊!😀

友人心血來潮想吃燒肉，剛好附近的商場就有牛角，我們便二話不說地去一嘗日式燒肉。餐廳供應的肉類款式不少而且還細分成不同的部位，豬、牛、雞肉跟海鮮等都齊備。光吃燒肉可能不夠飽，所以每次我也會點一客牛角飯打底。牛角飯面上鋪滿了紫菜，白飯還加入了豉油、芝麻和香蔥，有味道的飯當然令人吃得份外滋味。味噌豬頸肉：肉質爽脆的豬頸肉嚼勁十足，但味噌味不突出，只好蘸上我最喜愛的蒜鹽提味。牛油本菇：本菇新鮮沒有霉味，惟份量偏少而且牛油只有一小塊，因此吃起來較為清淡。黑糖牛油蕃薯：燒過的蕃薯條外脆內軟，突出的黑糖味配上淡淡的牛油香，這個完美的配搭讓我跟友人也吃不停口呢 !店內的通風系統尚算不錯，基本上也看不到煙霧彌漫的情境，離開的時候衣服也沒怎樣吸到燒烤味。餐廳提供的蔬菜類食物份量少但價格偏高，如沒有會員卡折扣優惠便不抵吃了。

來到牛角當然係食燒肉，牛舌爽口彈牙，豬頸肉多汁，味道很好。真是一分錢一分貨，這個更加好吃。沙律酸酸甜甜但說到我最喜歡吃的就是銅鑼燒，自己比較喜歡脆的，所以會燒耐d，加埋雪糕，味道很好啊！

本來想食隔離牛刷鍋，不過無位，就去牛角食，唔洗等位直接入去。見到餐牌，性價比係高啲。呢個牛舌好爽口，好入味，好大塊，好抵食！四品盛盒，朋友力薦，一定要試d 牛肉好新鮮，紋理好靚，脂肪分明。朋友見到生肉嘅相都覺得吸引辣牛肉溫泉蛋飯，又係一個推介。有啲似吉野家牛肉飯，不過係升級版嘅！本來以為成舊水得幾塊肉係食唔飽，但其實兩個人叫三四碟都夠食。而且以往食集團式燒肉，感覺都一般，呢間係第一間令我極有意慾翻單既

頭盆溫泉玉子凱撒沙律入面有芝士，本人不愛吃芝士，但溫泉玉子撈落沙律稍有驚喜！繼而那杯菠蘿酒有香濃的菠蘿清香（半杯份量），只是酒到肉未到，欠了最佳配搭，燒好和牛牛肋肉點上燒汁即放入口那種熱辣辣燒烤香味再飲一啖酒！不過豬頸肉稍為肥膩，雞胸肉稍為降低級數！幸好豚肉有口感！但極上黑毛和牛西冷對於本人來講，太肥膩喇！至於四品野菌盛合就冇咩特別，廣島蠔帶有點腥味，要燒久一點才進食！由於杯酒太少，於是另外叫多一杯雜果賓治，味道不錯！但本人始終覺得酒配燒肉才是最佳組合！

每到星期一，我都會同同事出去食午餐，今日同事話事食燒肉，我就有少少作病，所以無叫燒肉，叫左石鍋鰻魚飯套餐整個飯份量適中，鰻魚雖然有燒汁煮過，但入口有少少乾身，唔夠夠汁，另配有炒蛋係飯內，蛋煮得太老，兩款食物食落唔係好夠味，要加少少蒜醬同辣醬調味汁撈飯食先有返D咸味，認真麻麻另外仲有前菜沙律同麵豉湯，味道普通，不過不失，我估整個餐最好係杯熱柚子茶其實價錢略貴，午餐要比咁既價錢食咁既質素既食物，真係幾肉赤，深信依度既燒肉比石鍋飯同丼飯更好