影片
更多
2003-07-12
23 浏览
來這裡慶祝生日，適逢半島75週年記念，所有餐廳都75折，正環境加上正食物，真的是抵上加抵。難怪平日的夜晚都坐到9成客滿。餐廳面積不大，佈置以深色木為主，幾有歐洲半山的小餐廳feel，點起蠟燭亦好有情調。來這裡不用dress up，smart casual已足夠，不過我地幫襯果晚都見有穿low-cut和tux的。而氣氛亦好輕鬆，講野大聲D都唔會有失斯文。餐前有各款麵包及蒜蓉牛油多士。蒜蓉牛油多士很好味，食完唔夠喉仲有得添食。麵包就以香草的較有特色，但卻是涷的，所以食左兩食就擺番低。頭盤叫了Rachette du Valais，是新薯加半溶的芝士，再配以酸菜一碟如青瓜、蔥頭和欖等。吃這個頭盤要快手，因為半溶的芝士趁熱食就最香濃好味，加新薯或酸菜又或者送麵包都好正。這個菜以頭盤形式吃就95蚊，以主菜形式叫就175蚊，但就可以無限次添食。雖然如此，但始終芝士食頭幾淡就好正，食落幾「漏」，一個人食一碟都未必食得完，建議兩個人share一碟就剛剛好，無限次添食似乎要鬼佬至work。主菜要了忌廉蘑菇汁炒牛仔肉及紅酒燴牛尾。牛仔肉配以蘑菇汁好正，伴碟有小洋蔥及以切絲薯仔做的煎薯餅，又是好味兼唔怕唔夠飽
餐廳面積不大，佈置以深色木為主，幾有歐洲半山的小餐廳feel，點起蠟燭亦好有情調。來這裡不用dress up，smart casual已足夠，不過我地幫襯果晚都見有穿low-cut和tux的。而氣氛亦好輕鬆，講野大聲D都唔會有失斯文。
餐前有各款麵包及蒜蓉牛油多士。蒜蓉牛油多士很好味，食完唔夠喉仲有得添食。麵包就以香草的較有特色，但卻是涷的，所以食左兩食就擺番低。
頭盤叫了Rachette du Valais，是新薯加半溶的芝士，再配以酸菜一碟如青瓜、蔥頭和欖等。吃這個頭盤要快手，因為半溶的芝士趁熱食就最香濃好味，加新薯或酸菜又或者送麵包都好正。這個菜以頭盤形式吃就95蚊，以主菜形式叫就175蚊，但就可以無限次添食。雖然如此，但始終芝士食頭幾淡就好正，食落幾「漏」，一個人食一碟都未必食得完，建議兩個人share一碟就剛剛好，無限次添食似乎要鬼佬至work。
主菜要了忌廉蘑菇汁炒牛仔肉及紅酒燴牛尾。牛仔肉配以蘑菇汁好正，伴碟有小洋蔥及以切絲薯仔做的煎薯餅，又是好味兼唔怕唔夠飽，亦有兩小碟caesar salad；燴牛尾尤其精彩，炆得又林又入味，佐碟的薯蓉好香薯仔味，難得是做到非常之軟滑，相似的口感只在法國朗斯一名店吃過一次，想不到在香港都能吃番，所以雖然已9成9飽都捨不得不吃。牛尾175蚊有四大件，分做兩碟都綽綽有餘，非常抵食，所以兩個女仔來淨叫這個main course已足夠。(太長，打到手軟，抖抖先，待續……)
张贴