夢の丼 (已結業)

有得去日本? 更係未輪到我地。 好在朋友約今晚一齊食日本野。 佢話呢間好高質，食完一定唔抑鬱。 哈，好老套，但星期一又真係blue blue地就食啦。去到香港大學站，有啲遠，但黎到環境又唔錯wor。 地方夠大又舒服。 一坐底有沙律同湯，幾ok la. 朋友叫左夢之丼同花錦魚生丼，話一定要試。 心諗兩個飯會唔會太多? 但佢話1個真係唔夠喉，因為真係好新鮮, 好好味。 黎到真係好靚，賣相都好飽滿。 點解可以咁多餸? 花錦魚生丼真係好多魚生，好甜美。 而夢之丼仲豐富，甜蝦好大隻， 帶子，海膽，炙吞拿，魚籽，真係好豐富。而旁邊杯水果醋真係有錦上添花既效果。 好正。然後再叫左機燒帶子，火炙右口魚邊壽司，鮑魚刺身，油甘魚刺身，深海池魚。 都係時令好食。最正係抵食唔貴，好似去左轉築地咁。今晚真係食得好唔錯。