Day and Nite by Master Kama (已結業)

見呢排有啲辛苦，於是聽朋友介紹去試下呢間餐廳🤤我係即日既中午訂位，晚上同朋友去到就即刻入得，座位安排本來尚算可以，但無奈既係食到中途時，居然有職員以因爲有大枱等緊為由，而要求我同朋友調位，過程中有啲狼狽，同時亦令我對餐廳既印象分大打折扣⋯⋯😡（當時連隔離枱都忍唔住出聲，話要求客人食到一半調位係難以接受！）食物方面，由於我地只有兩位，可以嘗試到既食物有限。我地先order左一份”吉列牛排配忌廉咖哩烏冬”。烏冬軟硬程度適中，配埋忌廉咖哩汁，食落會覺得好「漏」，不過配搭出黎又幾新奇同埋幾好味，可惜份吉列牛排有啲硬，有待改善。而第二份order既食物係”龍蝦包”，眼見Menu上有好多食物都有龍蝦，所以應該幾出名。一上到枱，即刻忍唔住試食面頭既龍蝦肉，食落幾新鮮，而且肉質同味道都非常好👍，值得推介！但如果日後份量可以再大啲就更好，因為價格都屬於偏貴，唔算話好抵食🤔最後，我地叫左杯”Double Berries”既飲品，主要係由strawberry同blueberry沖調而成，飲落既口感會有啲碎冰，而味道都配搭得幾好，同樣係值得推介！