雲來軒 (已結業)

朋友推薦呢間有特色中菜館為好友慶生。 搭進門口就見到好多明人相片!!心想呢間應該都有好高水準中菜館。我哋揀咗一個卡座，坐得舒適及私隱度高，最啱我哋暢談。服務員推介咗幾款小菜，我哋再自行選兩二款。琥珀安格斯牛柳粒$168牛柳粒上碟排序好靚好色彩，先試合桃粒，甜甜脆脆蜜糖味，越食越停唔到口， 牛柳粒香滑入口即溶，醬汁適中，肉汁喺口腔內更覺滋味，蜜糖豆好脆，呢款菜真的冇得輸。水芙蓉明蝦球$148 原來喺大蝦蒸蛋白，每顆蝦球都幾大隻， 極爽口及鮮味十足，蛋面加上特別的茨汁，吃起來香滑美味。窩巴士多啤梨骨$178賣相精緻，排骨炸得酥脆腍滑，淋上士多啤梨汁，清新好食， 而窩巴亦沾上醬汁，口感鬆脆，比平時吃生炒骨更覺滋味。海鮮兩面黃$148 面炸到脆卜卜又唔油膩，海鮮另上，份量十足，將海鮮料淋落面身同食一樣脆口，又可點上浙醋齊吃，一面二食， 各選所好。懷舊雜菜煲138 原煲上熱辣辣，材料豐富有乾瑤柱，蝦乾，冬菇金菇絲，西蘭花，小棠菜，蜜糖豆等，每款菜腍甜，吃落冇渣，湯底濃郁惹味都唔覺有太多味精。整體這頓生日飯吃得開心又盡興。