天吉屋 (已結業)

日本天丼金賞過江龍"天吉屋"終於到香港， 今日夾到時間同朋友嚟試，朋友睇過介紹要食就早D去排隊，我去到條人龍真係唔少嘢， 好在朋友放早可以排隊先🤭🤗。到安排入坐服務員好有禮貌，我哋同樣係叫咗"天幕御膳''， 先上我最愛(新鮮椰菜絲配柚子醋)👍🏻 及枱上還有兩款前菜漬物，白飯都可以免費添加😋😍。主餐上枱見到份量真係好大😆， 放餐後服務員解說佢手上一張印有三種不同食法介紹圖比我哋真係好細心👍🏻😍。我就跟足建議食法， 一個餐食到不同口感非常唔錯，呢款有整魚蝦蟹, 黑虎蝦、 海紅鯛、 同埋軟殼蟹及蔬菜炸物，一口咬落黑虎蝦厚肉彈牙非常唔錯， 試過其他食店，又真係唔會比到呢個質數你食， 其次就係海紅鯛又係厚厚大件👍🏻， 試過晒三款食法最喜歡跟天丼醬汁一齊食😋😋