影片
更多
2021-10-16
251 浏览
今次我同朋友去咗呢一間喺海港城嘅意大利餐廳。餐廳有分出面同入面。出面環境望海，睇落幾chill。我哋就坐咗入邊，環境紛紛暗暗，氣氛都唔錯。服務幾好，咁大間餐廳來講都可以做到一舉手就會有人見到，抵讚。唔似其他餐廳有時舉手要舉好耐先有人睇到。前菜我哋嗌左蕃茄沙律。賣相好吸睛，單單係估佢嘅食材都用咗我哋10分鐘。橙色黃色紅色嘅固然係蕃茄，但係綠色嘅同白色嘅你哋又睇唔睇得出係咩？答案係圖下面。食落先知原來綠色嘅係萵筍。而白色嘅真係食完都唔知係咩嚟，最後要搵返個餐牌睇先知原來係棕櫚芯（口感都幾特別，有少少似係荀嘅口感，但係因為唔係一層層皮咁，所以你會知唔係荀）。整體來講呢個沙律配上鹹鹹酸酸嘅醬汁，感覺清新得來又好特別。值得一讚。西班牙黑毛豬亦都好有驚喜。睇外表望落去因為好紅有啲似牛肉，但係食落就好有豬味，肉質好鮮嫩。配菜有梨同埋茄子，食落好又清新嘅感覺。上菜嘅時候已經幫你切好6塊，食嘅時候好方便👍🏼👍🏼👍🏼另一個比較出色同埋令人有深刻印象嘅主菜係龍蝦意大利粉。佢個龍蝦味相當濃郁，原隻龍蝦，肉質厚實。真係好好味㗎🤩另一個主菜紅鱸魚，味道都同賣相都唔錯。不過冇比較就冇傷害，同其他菜式被起嚟就有啲失色
前菜我哋嗌左蕃茄沙律。賣相好吸睛，單單係估佢嘅食材都用咗我哋10分鐘。橙色黃色紅色嘅固然係蕃茄，但係綠色嘅同白色嘅你哋又睇唔睇得出係咩？答案係圖下面。
食落先知原來綠色嘅係萵筍。而白色嘅真係食完都唔知係咩嚟，最後要搵返個餐牌睇先知原來係棕櫚芯（口感都幾特別，有少少似係荀嘅口感，但係因為唔係一層層皮咁，所以你會知唔係荀）。整體來講呢個沙律配上鹹鹹酸酸嘅醬汁，感覺清新得來又好特別。值得一讚。
西班牙黑毛豬亦都好有驚喜。睇外表望落去因為好紅有啲似牛肉，但係食落就好有豬味，肉質好鮮嫩。配菜有梨同埋茄子，食落好又清新嘅感覺。上菜嘅時候已經幫你切好6塊，食嘅時候好方便👍🏼👍🏼👍🏼
另一個比較出色同埋令人有深刻印象嘅主菜係龍蝦意大利粉。佢個龍蝦味相當濃郁，原隻龍蝦，肉質厚實。真係好好味㗎🤩
另一個主菜紅鱸魚，味道都同賣相都唔錯。不過冇比較就冇傷害，同其他菜式被起嚟就有啲失色。
主菜我哋仲嗌左黑松露意大利飯，同紅鱸魚一樣，賣相同埋味道雖然好但冇驚喜，相對上失色。
整體來講呢間餐廳嘅質素都唔錯，唯一一樣比較唔好嘅就係佢上菜時間比較耐。不過佢都有提前同我哋講，所以我哋感覺都OK。
张贴
