金田家 (已結業)

紅磡不嬲都多嘢食，咁啱男朋友想食拉麵，所以就決定食呢間！不過都要排左一陣隊。鋪頭嘅裝修感覺上雖然唔多位，但係坐得好舒服餐牌上有唔同拉麵揀，小食同追加都好多款！男朋友揀咗黑松露拉麵，而我就揀咗濃豚骨拉麵追加方面個人認為流心蛋係一定要有！！而我地都加左黑豚叉燒，亦都係極度推薦！首先2個面都係即叫即做，所以都要等少少時間，餐紙上都有唔同嘅選項，例如拉麵硬度。講左濃豚骨拉麵先，湯底好濃味，但係又唔會好油，我最後係飲晒全部湯！豚肉都好足料，雖然係薄身，但肉質唔會好鞋好硬， 相反好易入口。另外再講下黑松露拉麵 湯底同豚肉都係同濃豚骨拉麵唔同，拉面上邊有黑松露，份量都唔少啊。睇得出好dum本架，再浸埋落個湯底 有更突出個湯嘅味，成個湯底都會食到好香嘅黑松露湯底，認真好中意呢個湯底。值得一讚嘅係流心蛋，好香，係真係流心架！ 同埋魯得好入味，一別於出邊餐廳既流心蛋！所以建議大家一定要加蛋！另外小食叫左炸雞，即叫即炸，唔會好多油，雞都好滑，呢個都可以試下！雖然排左一陣隊，但係值得既 會下一次再嚟！