影片
更多
2023-07-25
37 浏览
早聞呢一間法國菜嘅大名，主廚有前文華餐廳工作嘅背景，黎到大埔開餐廳，以平民嘅價錢做出酒店級水準，食完都推薦哂俾親朋好友可以過去食飯。門面都幾隱蔽，一唔覺意就會錯過，但入都去就明餐廳都想營造舒適高私隱度嘅空間，因為你坐低就會忘記街道人來人往同繁忙，可以好好享受呢一餐。Lunch Set 無敵抵食！368蚊已經有一個Set，包括Starter，餐湯，Main，餐飲，真係無得輸。Starter ：蝶豆花木魚清湯鯛魚刺身將檸檬汁倒落去嘅時候蝶豆花木魚清湯會由紫色變成粉紅色，鯛魚刺身本來都比較淡口，依家浸咗清湯帶少少花香，加上檸檬汁就令到呢款菜式更清新。Starter ：波特酒釀葡萄。法式鵝肝凍呢一杯真係可以以佳餚黎形容，因為佢體現咗法國菜嘅優點，精緻、味道層次豐富、食材調味互相揉合，每一口都不自覺地認真品嚐，太快食哂會覺得自己浪費咗廚師嘅心機。Soup：薰衣草南瓜忌廉湯南瓜忌廉湯都飲得多，亦都知咩叫好飲，呢度與眾不同，加上薰衣草，令香味升華，意想不到地融洽。Soup：法式龍蝦湯龍蝦湯濃而不苦，飲得出廚師落咗好多功夫，絕對唔係坊間濫竽充數嘅水準，食落仲會有好多龍蝦肉，肉質爽口鮮甜，驚喜。Main
門面都幾隱蔽，一唔覺意就會錯過，但入都去就明餐廳都想營造舒適高私隱度嘅空間，因為你坐低就會忘記街道人來人往同繁忙，可以好好享受呢一餐。
Lunch Set 無敵抵食！368蚊已經有一個Set，包括Starter，餐湯，Main，餐飲，真係無得輸。
Starter ：蝶豆花木魚清湯鯛魚刺身
將檸檬汁倒落去嘅時候蝶豆花木魚清湯會由紫色變成粉紅色，鯛魚刺身本來都比較淡口，依家浸咗清湯帶少少花香，加上檸檬汁就令到呢款菜式更清新。
Starter ：波特酒釀葡萄。法式鵝肝凍
呢一杯真係可以以佳餚黎形容，因為佢體現咗法國菜嘅優點，精緻、味道層次豐富、食材調味互相揉合，每一口都不自覺地認真品嚐，太快食哂會覺得自己浪費咗廚師嘅心機。
Soup：薰衣草南瓜忌廉湯
南瓜忌廉湯都飲得多，亦都知咩叫好飲，呢度與眾不同，加上薰衣草，令香味升華，意想不到地融洽。
Soup：法式龍蝦湯
龍蝦湯濃而不苦，飲得出廚師落咗好多功夫，絕對唔係坊間濫竽充數嘅水準，食落仲會有好多龍蝦肉，肉質爽口鮮甜，驚喜。
Main：傳統法式鵝肝牛柳
朋友都一致認同煎鵝肝係呢一餐嘅精華！鵝肝質素好，煎鵝肝功夫一流，外脆內嫩，香而不膩，齒頰流香！
Main：法式香料烤龍蝦尾海鮮洋薏米飯
龍蝦湯都咁高質素，烤龍蝦都自然係水平以上，龍蝦新鮮剛好熟透，又爽又多汁。煎帶子亦都不會過老，入口即溶。洋薏米飯係第一次食，口感豐富，健康之選。
Main：法式西鰽鱸魚
想清清地都可以叫煎魚食，食材保持一貫嘅新鮮度，魚嘅肉質鮮美，少少調味已經足夠。
Dessert：芒果芝士蛋糕
Dessert：美女與野獸
甜品亦都非常不錯，有打卡之選亦都有務實嘅選擇，值得一提嘅係芒果醬係真材實料打出黎，冇藥水味。
Cocktail：Dream
Cocktail：Rose
另外同朋友都各自叫咗一杯cocktail ，見到呢杯有個氣泡非常夢幻適合影相就叫咗一杯Rose、一杯Dream，好易入口，唔飲得酒嘅朋友都可以一試！
张贴
