影片
更多
2019-05-02
3378 浏览
已經唔係第一次嚟呢度食晚飯，雖然係週末，不過晚上唔會太多人，就算walk-in都會有位置。今日嚟到當然唔會食返之前食過嘅嘢，今日比我發現咗有一個好抵食嘅任食火鍋套餐，當然要試一試！雖然係任食，不過有冇幾款嘅前菜同刺身係冇得encore嫁！呢個紅酒橋頭以及芥末八爪魚，芥末都幾嗆算，但又食得好過癮～好中意😆刺身，波士頓龍蝦（每人半隻），以及法國生蠔呢啲都係每人一份，刺身會因應每一日而有所調整，今日食嘅係魚刺身，以及帶子，帶子食落好鮮甜，而且都幾厚身，雖然唔知係乜嘢魚，不過食落好有質感，唔會好林好軟身既口感👍🏻👍🏻波士頓龍蝦都幾大隻架，而且每人半隻，肉既位置都有好多！肉質係好實淨！相信係新鮮嘅波士頓龍蝦整成，而且有好多膏，膏味香濃～實在唔錯！不過波士頓龍蝦始終覺得熱食會比較更加香同好味壽司每人各有三件，壽司好食就無謂多講啦，不過佢哋呢度用嘅壽司飯本身係有味道，唔知係咪本身已經落咗醋係入邊，所以食落去比起出邊食嘅壽司味更香～重頭戲黎啦！今日重點要食嘅就係呢度嘅北海道松葉蟹&鹿兒島和牛，和牛嘅色澤鮮艷，粉嫩色嘅和牛肉質嫩身，食落唔會過於油膩感，最重要係唔需要整到太過熟，如果唔係就會食唔到佢嘅肉香
今日嚟到當然唔會食返之前食過嘅嘢，今日比我發現咗有一個好抵食嘅任食火鍋套餐，當然要試一試！
雖然係任食，不過有冇幾款嘅前菜同刺身係冇得encore嫁！呢個紅酒橋頭以及芥末八爪魚，芥末都幾嗆算，但又食得好過癮～好中意😆
刺身，波士頓龍蝦（每人半隻），以及法國生蠔呢啲都係每人一份，刺身會因應每一日而有所調整，今日食嘅係魚刺身，以及帶子，帶子食落好鮮甜，而且都幾厚身，雖然唔知係乜嘢魚，不過食落好有質感，唔會好林好軟身既口感👍🏻👍🏻
波士頓龍蝦都幾大隻架，而且每人半隻，肉既位置都有好多！肉質係好實淨！相信係新鮮嘅波士頓龍蝦整成，而且有好多膏，膏味香濃～實在唔錯！不過波士頓龍蝦始終覺得熱食會比較更加香同好味
壽司每人各有三件，壽司好食就無謂多講啦，不過佢哋呢度用嘅壽司飯本身係有味道，唔知係咪本身已經落咗醋係入邊，所以食落去比起出邊食嘅壽司味更香～
重頭戲黎啦！今日重點要食嘅就係呢度嘅北海道松葉蟹&鹿兒島和牛，和牛嘅色澤鮮艷，粉嫩色嘅和牛肉質嫩身，食落唔會過於油膩感，最重要係唔需要整到太過熟，如果唔係就會食唔到佢嘅肉香味，呢個encore多幾分都唔過份😝😝😝✨ 超好味！推介推介松葉蟹腳咩都唔算太過鮮甜，不過食落味道都唔錯架，可以配上職員為我地準備嘅蟹醋，以提升蟹嘅味道，我自己覺得加咗蟹醋更加好食
早幾次曾經嚟到呢度打邊爐，不過都冇食過黑豚肉，黑豚肉但有少量豬味，呢一個配埋芝麻醬同埋白飯就更加正！只可惜我胃口唔大，如果再食白飯咁就唔抵啦，最後冇食到白飯但係都叫咗個稻庭烏冬，滑lulu白雪雪既烏冬再加埋邪惡叫芝麻醬真係無敵冇得輸！🤤
新鮮野菜好大份，入面有大蔥，金菇，冬菇，菠菜，紹菜等... 幸好每一款都係我鍾意食嘅，大蔥係日本人最鍾意用嘅火鍋材料，吸收左昆布湯嘅味道，令到大蔥食落更加入味，食食一定係食會吸味嘅蔬菜，超級肥，但係又超級好食！豆腐係每次我打邊爐一定會有嘅食材之一，其實呢度入邊都有架，可惜入邊只有兩小舊，男朋友知道我鍾意食，通常都會俾埋我，豆腐嘅口感超滑溜，而且對女仔嘅皮膚好當然要食多啲啦
今次食到呢一個半任食火鍋套餐真係超抵，五百零蚊一個人但係可以食到高質素嘅日本火鍋材料，除此之外仲會有壽司以及其他刺身食，真係好抵食！雖然叫做任食火鍋，不過佢哋比嘅食材一啲都唔差，真係要好好推介俾大家
真係值得一食再食！
张贴
