藏王 (已結業)

聽朋友講元朗開左間新壽司店，話味道，環境都好好，所以就同班朋友去試下。我泊左架車係門口(員工服務好好，幫手睇埋有冇抄牌) ，望入去見裝修都幾好，跟住侍應帶位坐低，然後介紹左幾款招牌菜俾我地。我點左幾款壽司同刺身，好新鮮，賣相都好靚。再點左一口牛同酒煮蜆，都幾好。跟住再試佢地嗰幾款招牌菜，岩鹽燒鯛魚，冇得彈，好好食。雪場蟹腳生蠔鍋，海鮮好新鮮同湯底一流(我地飲晒D湯)。千層刺身塔，估唔到D刺身可以排到咁高，一絕。最後食埋個甜品牛奶布丁，真係好滑，好好味。埋單都唔算貴，百幾蚊一個人頭，以咁好嘅食物質素，招待同環境黎計，絕對抵食。最like係唔怕俾人抄牌，食都食得放心。