影片
以上资料只供参考，请与餐厅确认详情
呢间日本野, 之前路过过好多次, 不过睇过 menu 觉得佢价钱偏贵, 所以一直都无踏过入去!!某日忽然见到佢做团购㖞~~!?2人极上刺身套餐, 团购价 $188 (未包加一), 望下个list都好似唔差, 所以就买咗~某日醒起, 就打电话去book位, 竟然星期5, 6都full咗.. 所以最后book咗星期4食!!收工之后, 就入元朗, 时间啱啱好~坐低就交团购纸比侍应, 然后拣埋要拣果几样, 就……..等!!!食品list如下:日式面豉汤茶碗海鲜蒸蛋香芒蟹籽沙律露笋炒野菜炸物 (唐扬墨鱼咀)手握寿司 (海胆, 京葱吞拿鱼腩, 希灵鱼, 醋鲭鱼, 剑鱼腩)一品料理 (清酒煮蚬)极上刺身塔2人份岩盐烧原条鲷鱼甜品 (北海道牛奶布甸, 日式朱古力布甸)饮品 (7喜)最先上枱一定系饮品, 仲有就系日式面豉汤同埋茶碗海鲜蒸蛋~面豉汤几好味, 咸度适中, 唔太浓唔太淡~茶碗海鲜蒸蛋, 呢个卖相麻麻, 蛋面唔靓应该系水蒸汽做成, 败笔! 不过食落都算几滑~香芒蟹籽沙律有几片芒果肉, 甜甜的唔错, 沙律菜亦新鲜爽脆, 唔错~露笋炒野菜味道适中, 唔太浓亦唔太淡, 椰菜居多, 不过唔太见到有露笋, 哈哈~唐扬墨鱼咀, 呢个都几失望, 超细粒份量少, 虽然唔算太油, 但系属于炸物既”佢”竟然…. 唔脆!!~手握寿司, 5 款既刺身都叫新鲜, 唔会有腥味, 亦唔觉有雪味, 不过米粒无醋香味而且唔够黏~清酒煮蚬反而系我最满意, 有清酒香味但系又唔会over, 因为我本身都唔like果阵酒精味, 但系呢个就啱啱好, 蚬仔细细无咩肉食, 不过胜在无沙~极上刺身塔, 呢个赢卖相, 够创意, 食既时候要好小心, 因为佢只系中间有支牙签拮住, 塔上面既刺身同寿司既刺身质量差唔多, 新鲜, 无腥味, 亦无雪味~岩盐烧原条鲷鱼都几过瘾, 著住火上枱, 烧一阵之后佢就会自己熄, 至于条鲷鱼烧得都脆边, 不过感觉烧得耐咗少少, 鱼肉微”鞋”, 不过都好味既~北海道牛奶布甸 & 日式朱古力布甸, 佢写系自家制, 不过唔知坚定流, 如果系都真系唔错, 2 款都系软软滑滑, 味道香浓~整体黎讲, 质素都唔差, 不过…. 如果以原价计, 又觉得好似未太值佢个价啰…所以……. 一试无妨~
继续阅读
话说朋友们都想食日本野...但元朗出名多人个几间系绝对唔会想食, 一黎人多, 二黎味道唔系话真系好食, 三黎就系d sushi太大旧饭, 食饭都食饱, 完全都唔系真系食刺身呀等等食物...所以就search左呢间黎试, 开左一段时间都未食过, 今次帮衬左真系非常有惊喜...好似个炸蚝咁, 好多地方炸既时间, 个皮又厚, 旧肉系细到揾唔到, 只系食粉团...但呢到唔同, 个蚝炸得好脆, 而且仲有蚝既juicy..一d都唔油腻, 虽然佢只蚝都称不上大只, 但起码都有得咬开两啖肉食....巧吃...之后再叫左个烤蟹...佢烤得虽然干身, 但好有蟹肉既鲜味...就算唔沾上sacue食都冇问题...超香, 而且蟹膏好好食..名鲜....一只只需$2xx....我觉得可以接受呢个价钱...仲有佢个清酒煮蚬, 都系一个不错既小食...佢d汤底唔算浓..但蚬肉既口感超正...qq既感觉...好鲜....真系想佢用大只d黎整...因为真系好好食...个刺身拼盘当然都系好新鲜...另外叫左一个以茶壶黎当容器既海解汤, 你唔好睇佢细细个...但个汤好鲜甜...而且里面既海鲜汤料绝对有份量.....好棒的一餐晚饭...绝对要encore再食....但可能对元朗街方黎讲, 将近400既dinner一个人, 可以系略为贵..但事实上味道可以cover到既, 我觉得就一d都唔贵啦...
继续阅读
刚考完DSE的主修，作中途休息去食正野! 😈住屯门的我们三个女孩子，喜欢系元朗揾食，又近又方便又多种类。首先黎到系三文鱼刺身，几新鲜几好食嘅，无咩特别。蟹子沙律都系食日本菜必叫的，我就觉得沙律酱略小，而且用碟上，捞唔到😹我地唯有夹啲青瓜再夹沙律咁食，味道不错的。食食下，店员就黎话我地知上facebook like佢地个page就可以有1蚊一客三文鱼寿司，我地地立即like，寿司都无咩特别好讲喇！呢个系茶壶海鲜汤，重点来了！个上汤方式几特别用茶壶上，个味道好鲜嘅，入面有虾，蚬，鱿鱼，蟹柳，其他唔记得，几足料，热辣辣咁好好饮，我真心推介，值得一试！其他食物都好味嘅，除左呢啲仲有叫墨鱼咀同手卷，都好食嘅！haha整体黎讲系几好，服务员有礼貌，价钱都几抵食。值得一试！😈
继续阅读
听朋友讲元朗开左间新寿司店，话味道，环境都好好，所以就同班朋友去试下。我泊左架车系门口(员工服务好好，帮手睇埋有冇抄牌) ，望入去见装修都几好，跟住侍应带位坐低，然后介绍左几款招牌菜俾我地。我点左几款寿司同刺身，好新鲜，卖相都好靓。再点左一口牛同酒煮蚬，都几好。跟住再试佢地𠮶几款招牌菜，岩盐烧鲷鱼，冇得弹，好好食。雪场蟹脚生蚝锅，海鲜好新鲜同汤底一流(我地饮晒D汤)。千层刺身塔，估唔到D刺身可以排到咁高，一绝。最后食埋个甜品牛奶布丁，真系好滑，好好味。埋单都唔算贵，百几蚊一个人头，以咁好嘅食物质素，招待同环境黎计，绝对抵食。最like系唔怕俾人抄牌，食都食得放心。
继续阅读
第一次食日式鱼,要用锤仔打开外壳,推开外壳后,鲜甜既鱼香味满溢四周,食一啖鱼肉,鱼味充分,鲜味十分。十级推介。重有我最爱既三文鱼,颜色有光泽,好新鲜,食完好满足呀重有一口牛tim呀,轻轻咬一啖,牛汁四射,好有牛既鲜味,100个like. ^^最估唔到系,有生蚝食。谂住都唔睇好,点知好食过转食蚝既酒店buffet tim 架。
继续阅读